Fulham kvartar formlega undan Liverpool

Fulham hefur sent enska knattspyrnusambandinu formlega kvörtun vegna ásóknar Liverpool í bandaríska landsliðsmanninn Clint Dempsey en forráðamenn Fulham eru ósáttir við yfirlýsingu Brendan Rodgers í sumar um að Liverpool væri búið að leggja inn fyrirspurn um kaup á leikmanninum.

Í kjölfar yfirlýsingar Brendan Rodgers gerðu starfsmenn heimasíðu eigendanna í Fenway Sports Group þau slæmu mistök að birta frétt um að Dempsey væri þegar orðinn leikmaður Liverpool.

Forráðamenn Fulham eru þeirra skoðunar að yfirlýsing Rodgers sé aðalástæðan fyrir því að Clint Dempsey neiti nú að spila fyrir Fulham en Bandaríkjamaðurinn er að reyna pressa á það að hann verði seldur til Liverpool.

Martin Jol, stjóri Fulham, hefur gefið það út að engin formleg tilboð hafi borist í Dempsey en Bandaríkjamaðurinn var ekki í leikmannahópi Liverpool í fyrstu umferð ensku úrvalsdeildarinnar um síðustu helgi.

Málið er komið inn á borð enska sambandsins og rannsókn stendur yfir.