Liverpool með ellefu stiga forskot eftir sigur á botnliðinu

Ingvi Þór Sæmundsson skrifar
Salah kemur Liverpool í 1-0.
Salah kemur Liverpool í 1-0. vísir/getty

Liverpool er komið með ellefu stiga forskot á toppi ensku úrvalsdeildarinnar eftir sigur á botnliði Watford, 2-0, í fyrsta leik dagsins. Mohamed Salah skoraði bæði mörk Liverpool.



Þetta var fyrsti leikur Watford undir stjórn Nigels Pearson sem er þriðji knattspyrnustjóri liðsins á tímabilinu.



Mohamed Salah kom Liverpool yfir á 38. mínútu eftir sendingu frá Sadio Mané. Skömmu áður hafði Abdoulaye Doucouré klúðrað dauðafæri fyrir Watford.



Mané kom boltanum í netið í upphafi seinni hálfleiks en markið var dæmt af vegna rangstöðu eftir inngrip myndbandsdómara. Dómurinn var mjög hæpinn eins og sjá má hér fyrir neðan.



Þetta kom þó ekki að sök fyrir Liverpool því Salah gulltryggði sigur liðsins þegar hann skoraði annað mark sitt á lokamínútunni.



Liverpool hefur unnið 16 af fyrstu 17 deildarleikjum sínum á tímabilinu.



Watford hefur aftur á móti aðeins unnið einn leik og er í neðsta sæti deildarinnar, sex stigum frá öruggu sæti.

Bein lýsing

Leikirnir




    Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
    Velkomin á Vísi. Þessi vefur notar vafrakökur. Sjá nánar.