Sextán ára framherji Lyon eftirsóttur af stærstu liðum Englands
Liverpool, Manchester City og Manchester United eru talin fylgjast með hinum sextán ára framherja Lyon, Mathis Rayan Cherki, sem hefur slegið í gegn þrátt fyrir ungan aldur.
Mathis Rayan Cherki kom til Lyon sjö ára gamall og hefur komið þaðan í gegnum unglingastarfið en í júlí skrifaði hann svo undir samning til ársins 2022.
Hann hefur nú þegar fengið frumfraun sína í bæði frönsku úrvalsdeildinni og Meistaradeildinni. Hann spilaði gegn Dijon í október og í lok síðasta mánaðar kom hann inn á í tapi gegn Zenit í Meistaradeildinni.
Liverpool are believed to have joined Manchester United and Manchester City in tracking 16-year-old Mathis Rayan Cherki.
Latest football gossip https://t.co/J2XdOZvmyb #bbcfootball #LFC #mcfc #mufc pic.twitter.com/Jr45rQyXJX
— BBC Sport (@BBCSport) December 2, 2019
Risarnir þrír á Englandi eru taldir fylgjast vel með gangi mála hjá þessum afar efnilega framherja sem á þó enn eftir að skora sitt fyrsta mark í aðalliðs bolta.
Hann hefur leikið tvo leiki fyrir U16-ára lið Frakka en ekki tekist að skora. Hann er ættaður frá Alsír.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
