„Væri sturlað að hugsa um titilinn“
Pep Guardiola, stjóri Manchester City, var í stuði á blaðamanafundi eftir 4-1 sigur City á Burnley í gærkvöldi en hann sagði að enski meistaratitillinn væri fjarlægður draumur.
Sigurinn var aldrei í hættu en með sigrinum minnkuðu Englandsmeistararnir forskot Liverpool niður í átta stig. Liverpool spilar gegn grönnunum í Everton í kvöld.
„Titilbaráttunni er lokið. Það sem ég les er að enginn segir okkur eiga möguleika. Þetta er búið,“ sagði Spánverjinn í kaldhæðnislegum tón eftir sigur City í gærkvöldi.
'It would be crazy to think about the title'
Pep Guardiola highlights eight-point gap between Man City and Liverpool in Premier League and says side have to take it game by gamehttps://t.co/qnMIz06UOW
— MailOnline Sport (@MailSport) December 4, 2019
„Ég trúi því ekki að baráttan sé búin en þetta snýst ekki um hvort ég trúi því eða ekki. Þetta snýst um næsta leik.“
„Okkar lið er stöðugt og það er það sem við viljum. Miðað við bilið milli okkar og Liverpool þá væri það í hreinskilni sagt sturlað að hugsa um titilinn.“
„Við verðum að hugsa um grannaslaginn á sunnudaginn, leik fyrir leik. Það eru aðrar keppnir líka; enski bikarinn, deildarbikarinn og Meistaradeildin. Það er mikilvægt að taka þennan takt inn í næsta leik.“
Tengdar fréttir
„Heppinn að boltinn fór ekki í andlitið á mér því ég hefði skotist aftur til Jamaíku“
Manchester City vann nokkuð þægilegan sigur á Burnley í gær er liðin mættust í 15. umferð ensku úrvalsdeildarinnar. Meistararnir höfðu betur 4-1.
Ljóslaust í búningsklefa City fyrir leikinn í gær en leikmennirnir skemmtu sér konunglega
Þegar leikmenn Manchester City mættu til leiks á Turf Moor í gærkvöldi og voru að fara spila við Burnley í ensku úrvalsdeildinni í gærkvöldi var ekki allt með felldu í búningsklefa þeirra.
