Man City undirbýr langtímasamning fyrir Sterling
Enskir fjölmiðlar greina frá því í dag að Englandsmeistarar Manchester City séu með nýjan risasamning í pípunum fyrir eina af skærustu stjörnum liðsins, Raheem Sterling.
Sterling gerði fimm ára samning við Man City í fyrra sem færir honum um 300 þúsund pund í vikulaun.
Þessi 24 ára gamli Englendingur hefur skorað sjö mörk í ensku úrvalsdeildinni á þessari leiktíð og vilja forráðamenn City gera langtímasamning við kappann með það fyrir augum að fæla spænsku stórveldin Barcelona og Real Madrid frá en bæði lið hafa reglulega verið orðuð við Sterling.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
