Innlent

Meintur árásarmaður sagðist hafa lært lögfræði

Eiður Þór Árnason skrifar
Einnig voru nokkrir ökumenn stöðvaðir vegna ölvunaraksturs og gruns um akstur undir áhrifum fíkniefna.
Einnig voru nokkrir ökumenn stöðvaðir vegna ölvunaraksturs og gruns um akstur undir áhrifum fíkniefna. Vísir/Vilhelm

Óvenju rólegt var hjá Lögreglunni á höfuðborgarsvæðinu í gærkvöld og nótt en til marks um það þá var einungis einn maður í fangageymslu lögreglunnar framan af nóttu, er fram kemur í dagbók lögreglu.

Talsverð ölvun var þó í miðbænum og þurftu lögreglumenn meðal annars að hafa afskipti af nokkrum ungmennum undir 18 ára aldri. Þau voru færð á lögreglustöð þar sem þau voru sótt af foreldrum.

Á fjórða tímanum í nótt var maður handtekinn á skemmtistað í miðbæ Reykjavíkur grunaður um að hafa kastað glasi í höfuð annars manns.

Sá handtekni kvaðst hafa tekið nokkur ár í lögfræði og neitaði að segja til nafns og hélt því fram að honum bæri ekki skylda til þess. Hann gistir nú í fangaklefa.

Klukkan fimm í morgun gistu tveir í fangaklefa lögreglunnar.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.