Erlent

Breyta af­stöðu sinni til land­töku­byggða Ísraela

Atli Ísleifsson skrifar
Mike Pompeo er utanríkisráðherra Bandaríkjanna.
Mike Pompeo er utanríkisráðherra Bandaríkjanna. Getty
Bandaríkjamenn lýstu því yfir í gærkvöldi að þeir hafi nú breytt afstöðu sinni til landtökubyggðar Ísraela á Vesturbakkanum, sem hernuminn var af Ísraelsmönnum árið 1987.



Bandaríkjamenn hafa síðustu áratugi litið svo á að byggðin sé í trássi við alþjóðalög eins og alþjóðasamfélagið er að mestu leyti sammála um.



Nú er komið annað hljóð í strokkinn og segir Mike Pompeo utanríkisráðherra Bandaríkjanna að að málið sé þannig vaxið að Ísraelar og Palestínumenn verði að leysa það sín í milli. Það sé ekki annarra að hafa skoðun á ástandinu.



Landtökubyggðirnar hafa verið afar heitt deilumál í áratugi en um 600 þúsund gyðingar búa þar í um 140 byggðum sem reistar hafa verið í óþökk Palestínumanna, á sjálfum Vesturbakkanum og í austurhluta Jerúsalem.



Palestínumenn krefjast þess að allar byggðirnar verði lagðar niður enda geri þær allar vonir um sjálfstætt palestínskt ríki að engu.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.