Hugo Lloris, markvörður Tottenham og heimsmeistara Frakka, þurfti að gangast undir aðgerð á olnboga vegna meiðslanna sem hann varð fyrir í leik á móti Brighton í október.

Franski landsliðsmarkvörðurinn missti jafnvægið eftir að honum mistókst að grípa fyrirgjöf en í fyrstu héldu menn að hann þyrfti ekki að fara í aðgerð. Annað hefur nú komið í ljós.  

Following further clinical testing and examination, Hugo Lloris has now undergone surgery on his left elbow.#THFC #COYS
— Tottenham Hotspur (@SpursOfficial) November 7, 2019

„Sérfræðingar ráðlögðu honum að fara í aðgerð eftir að þeir sáu að olnboginn var enn óstöðugur,“ segir í tilkynningu frá Tottenham.

„Fyrirliðinn okkar er áfram með það á stefnuskránni að byrja aftur að æfa snemma á næsta ári.“

Hugo Lloris þurfti á súrefni að halda eftir að hann fór úr olnbogaliðnum og var síðan borinn af velli og fluttur á sjúkrahús.

Spurs remain hopeful Hugo Lloris will return in January
— Sky Sports Premier League (@SkySportsPL) November 7, 2019