Henrik Larsson og Dirk Kuyt að taka við C-deildarliði Southend
Henrik Larsson og Dirk Kuyt eru að taka við stjórnartaumunum hjá C-deildarliðinu Southend United sem er án þjálfara.
Southend rak þjálfarann Kevin John Bond þann 6. september eftir að liðið hafði tapað sex leikjum í röð í upphafi tímabilsins.
Aðstoðarþjálfarinn Gary Waddock hefur stýrt liðinu síðan þá en blaðamaðurinn Pete O'Rourke greinir frá því að Svínn Larsson og Hollendingurinn Kuyt séu að taka við liðinu.
Henrik Larsson and Dirk Kuyt close to becoming Southend United’s new managerial team. #Southend #shrimpers
— Pete O'Rourke (@SportsPeteO) October 12, 2019
Larsson hefur verið orðaður við starfið að undanförnu eftir að hann hætti með Daníel Hafsteinsson og félaga í Helsingborg.
Kuyt hefur verið að þjálfa unglingalið Ajax eftir að hafa lagt skóna á hilluna í lok tímabilsins 2016/2017.
Southend er í 22. sæti ensku C-deildarinnar eftir tólf leiki en liðið hefur einungis náð í fjögur stig í upphafi tímabilsins.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
