Hinn ungi Callum Hudson-Odoi var hræddur um að hann myndi aldrei spila fótbolta aftur þegar hann meiddist á síðasta tímabili.
Hudson-Odoi sleit hásin á seinni hluta síðasta tímabili og missti af lokaleikjum Chelsea í úrvalsdeildinni, úrslitaleik Evrópudeildarinnar og Þjóðadeildinni með Englandi.
Ungstirnið hefur hins vegar byrjað þetta tímabil af miklum krafti, með þrjár stoðsendingar og eitt mark í fjórum leikjum.
„Það fyrsta sem ég hugsaði var hvort ég myndi ná að spila aftur. Ég vissi að ég hefði gert eitthvað virkilega alvarlegt svo ég hafði miklar áhyggjur,“ sagði 18 ára Hudson-Odoi við Sky Sports.
„Fjölskyldan hélt trúnni í mér að ég myndi ná að koma til baka.“
Meiðsli Hudson-Odoi komu á slæmum tímapunkti, því hann var rétt við það að stimpla sig almennilega inn í bæði aðallið Chelsea og enska A-landsliðið.
„Ég varð mjög reiður yfir þessu því allt var að ganga upp fyrir mig. Ég var að spila leiki, fékk kallið í landsliðið, þetta var að ganga fullkomlega.“
„Ég er mjög ánægður með hvernig ég kom til baka, vonandi get ég haldið áfram að bæta mig,“ sagði Callum Hudson-Odoi.
Óttaðist að hann myndi aldrei spila aftur
