Orsakir og afleiðingar loftslagsbreytinga koma hraðar fram Kjartan Kjartansson skrifar 22. september 2019 14:00 Drengur við Meghna-fljótið í Bangladess. Bráðabirgðaskýli eins og þetta voru sett upp fyrir fólk sem missti heimili sín vegna landrofs. Bangladess er eitt láglendasta ríki heims og stendur frammi fyrir miklum erfiðleikum vegna hækkandi sjávarmáls. Vísir/Getty Loftslagsbreytingar hafa komið hraðar fram undanfarin fimm ár en áður á sama tíma og losun á gróðurhúsalofttegundum hefur aukist um fimmtung. Í nýrri skýrslu alþjóðlegra vísindastofnana kemur fram undanfarin fimm ár verði þau hlýjustu frá því að mælingar hófust og að styrkur gróðurhúsalofttegunda í lofthjúpi jarðar hafi aldrei mælst meiri. Þetta er á meðal þess sem kemur fram í skýrslu Alþjóðaveðurfræðistofnunarinnar (WMO) um hnattrænar loftslagsbreytingar á árunum 2015 til 2019 sem er birt í aðdraganda loftslagsráðstefnu Antonio Guterres, framkvæmdastjóra Sameinuðu þjóðanna, í vikunni. Afleiðingar loftslagsbreytinga af völdum manna eins og hækkun yfirborðs sjávar, bráðnun íss og veðuröfgar hafa allar færst í aukana á tímabilinu. Hnattræn hlýnun nemur nú um 1,1°C frá upphafi iðnbyltingarinnar og 0,2°C miðað við tímabili 2011 til 2015. Skýrsla WMO er hluti af stærri samantekt alþjóðlegra vísindastofnana um ástand loftslags jarðar, viðbrögð manna við því til þessa og spár um breytingar á loftslaginu í framtíðinni. Þar er lögð áhersla á að brýnt sér að ráðast í róttækar loftslagsaðgerðir til að takmarka mögulega óafturkræfar áhrif loftslagsbreytinga.Þykkur reykur stígur upp frá skógar- og kjarreldum í Alaska í júlí. Eldar loguðu víða um norðurslóðir í sumar en þeir verða tíðari með hlýnandi loftslagi.Vísir/GettyTryggt að hlýnun heldur áfram í áratugi Losun heimsbyggðarinnar á koltvísýringi og öðrum gróðurhúsalofttegundum hefur haldið áfram að aukast undanfarin fimm ár. Aukningin er um fimmtungi meiri nú en hún var á fimm ára tímabilinu á undan. Magn gróðurhúsalofttegunda sem menn hafa þegar losað út í lofthjúp jarðar tryggir á hnattræn hlýnun á eftir að halda áfram um áratugaskeið, jafnvel þó að allri losun yrði hætt samstundis. Útlit er fyrir að styrkur koltvísýrings í lofthjúpnum nái eða verði meiri en 410 hlutar af milljón fyrir lok ársins. Styrkurinn hefur aldrei mælst hærri í sögu mannkynsins. Petteri Taalas, yfirmaður WMO, segir í tilkynningu að þrefalda þurfi umfang aðgerða til að hægt verði að ná markmiði Parísarsamkomulagsins um að halda hnattrænni hlýnun innan við 2°C. Fimmfalda þurfi metnaðinn til að ná 1,5°C-markmiðinu sem láglend Kyrrahafsríki komu inn í samkomulagið. „Það er gríðarlega mikilvægt að við drögum úr losun gróðurhúsalofttegunda, sérstaklega frá orkuframleiðslu, iðnaði og samgöngum. Þetta er nauðsynlegt ef við ætlum að draga úr áhrifum loftslagsbreytinga og ná markmiðum Parísarsamkomulagsins,“ segir Taalas.Eftirleikur fellibylsins Harvey sem gekk yfir Texas árið 2017. Loftslagsbreytingar auka áhrif fellibylja. Hlýrra loft þýðir að loftið heldur meiri raka og hærri sjávarstaða þýðir verri sjávarflóð.Vísir/GettyHækkun sjávarmáls og bráðnun íss Yfirborð sjávar hefur hækkað um fimm millímetra á ári að meðaltali frá 2014 til 2019. Það er millímetra meira en á árunum 2007 til 2016. Hækkunin nú er umtalsvert hraðari en meðaltalið frá 1993 sem hefur verið 3,2 millímetrar á ári. Bráðnun íss á landi er nú sögð leika stærra hlutverk í hækkun yfirborðs sjávar en áður og hafi nú meira vægi en útþensla hafsins vegna hlýnunar. Á tímabilinu hefur lágmarksútbreiðsla hafíss á norðurskautinu að sumri dregist sama og var hún vel undir meðaltali áranna 1981 til 2010. Þá mældist meðalútbreiðsla hafíssins að vetri fjórum sinnum sú minnsta í mælingarsögunni á tímabilinu. Fjölær ís er sagður nær algerlega horfinn. Á suðurskautinu, þar sem aðstæður eru nokkuð aðrar en á norðurskautinu, hefur lágmarksútbreiðsla hafíss að sumri og hámarksútbreiðsla að vetri verið vel undir meðatali áranna 1981 til 2010 frá árinu 2016, andstætt við fimm ára tímabilið frá 2011 til 2015. Árlegt ístap á Suðurskautslandinu hefur sexfaldast úr fjörutíu milljörðum tonna á ári frá 1979 til 2000 í 252 milljarða tonna á ári frá 2009 til 2017. Á Grænlandi hefur bráðnun íss einnig orðið umtalsvert hraðari frá aldamótum.Jakobshafnarjökullinn á Vestur-Grænlandi. Grænlandsjökull tapar nú ís hratt sem hækkar yfirborð sjávar.Vísir/EPASúrnun og hlýnun sjávar Höf jarðar leika lykilhlutverk í loftslagi hennar. Þau hafa tekið upp meira en 90% þess umframhita sem hefur orðið til vegna aukinna gróðurhúsalofttegunda af völdum manna. Hiti í efstu 700 metrum hafsins hefur aldrei mælst hærri en í fyrra. Næstmestur var hitinn árið 2017 og þriðji mestur árið 2015.Á sama tíma hafa höfin tekið upp um 30% þess koltvísýrings sem menn hafa losað og þannig komið í veg fyrir enn meiri hlýnun. Það hefur aftur á móti valdið því að höfin hafa súrnað um 26% frá upphafi iðnbyltingarinnar. Súrnun sjávar hefur veruleg áhrif á vistkerfi hafsins, þar á meðal kórala og aðrar kalkmyndandi lífverur. Hlýnun sjávar ágerir þau áhrif enn frekar.Íbúar í Chennai á Indlandi bíða eftir vatni sem var flutt þangað með flutningabíl í langvarandi þurrki júlí. Hitabylgjur og þurrkar hafa sett ýmis konar álag á borgir, meðal annars vatnsból þeirra.Vísir/GettyVeðuröfgar Hitabylgjur voru mannskæðustu veðurhamfarirnar á tímabilinu 2015 til 2019 og höfðu áhrif á öllum heimsálfum jarðar. Fjöldi hitameta var sleginn í þeim. Nær allar rannsóknir á miklum hitabylgjum frá árinu 2015 hafa fundið merki um áhrif hnattrænnar hlýnunar á þær.Mesta efnahagslega tjónið var af völdum hitabeltisfellibylja. Fellibyljatímabilið í Atlantshafi árið 2017 var eitt það versta sem sögur fara af. Þannig hljóp af völdum fellibylsins Harvey sem gekk yfir Texas um 125 milljörðum dollara. Tveir fellibylir úr Indlandshafi gengu yfir Mósambík í mars og apríl á þessu ári með alvarlegum afleiðingum.Skógar- og kjarreldar tengjast þurrkum. Þrjú stærstu efnahagslegu tjónin af völdum slíkra elda hafa orðið undanfarin fjögur ár.Eldarnir valda þar að auki enn frekari loftslagsbreytingum því mikið magn koltvísýrings losnar þegar skógar, kjarr og jarðvegur brennur. Áætlað er að um fimmtíu milljón tonn koltvísýrings hafi losnað út í andrúmsloftið í fordæmalausum kjarreldum á norðurslóðum í júní. Það er sagt meira en losnaði frá eldum á norðurslóðum í júnímánuði frá 2010 til 2018 samanlagt.Vísað er í Fréttablað Veðurfræðifélags Bandaríkjanna um að 62 af 77 ofsaveðuratburðum frá 2015 til 2017 hafi borið skýr merki um áhrif loftslagsbreytinga af völdum manna. Fyrir utan að allar meiriháttar hitabylgjur hafa vísindamenn tengt öfgakennda úrkomu við athafnir manna. Loftslagsmál Sameinuðu þjóðirnar Vísindi Tengdar fréttir Losun frá flugi vex hraðar en spár gerðu ráð fyrir Þrátt fyrir að sparneytni nýrra flugvéla hafi batnað hefur vaxandi eftirspurn og fjölgun flugferða meira en vegið upp á móti því. 20. september 2019 10:21 Loftmyndir sýna gríðarlega mikla eyðileggingu eftir Amasónelda Aldrei hafa fleiri skógareldar brunnið í Amasónfrumskóginum frá því að mælingar hófust 25. ágúst 2019 21:45 Blinda á staðreyndir að tengja hitabylgjuna ekki við hnattræna hlýnun Sum staðar hafa fyrri hitamet í Evrópu verið slegin með allt að þriggja gráðu mun í hitabylgjunni sem þar hefur geisað. 26. júlí 2019 14:30 Ógnvekjandi framtíð Las Vegas á tímum hamfarahlýnunar Las Vegas, fjölmennasta borg eyðimerkurríkisins Nevada í Bandaríkjunum og vinsæll ferðamannastaður, er sú borg í landinu þar sem hitastig hækkar hraðast. 3. september 2019 14:00 Júlí hlýjasti mánuður í sögu beinna mælinga á jörðinni Haf- og loftslagsstofnun Bandaríkjanna (NOAA) staðfestir að júlí í ár sló við metárinu 2016. Nú var aftur á móti enginn El niño-viðburður sem keyrði upp hitann. 15. ágúst 2019 16:06 Stefnir í metbráðnun á Grænlandsjökli í ár Þegar enn eru 35-40 dagar eftir af sumarbráðnun er ístapið á Grænlandi á við metárið 2012. 8. ágúst 2019 23:06 Mest lesið „Breiðholt mesta fátæktargildra landsins“ Innlent Ætlaði að koma upp um barnaníðing en lenti í klóm hans Innlent Tveir létust í banaslysi í Eyjafirði Innlent Sigríði þykir ólíklegt að hún nái undirskriftum Innlent Segir lág laun leikskólakennara mýtu Innlent Steinunn Ólína segir landráðamál í uppsiglingu Innlent Útlagar spreyjaðir gylltir Innlent Auglýsa eftir „eiganda“ fjármuna Innlent Leikskólakennarar ósáttir við vettlingagjörning Innlent Tíu sektaðir vegna notkunar nagladekkja Innlent Fleiri fréttir Trump líklegur til að græða á úrskurði Hæstaréttar Dómi Harvey Weinstein snúið við Tekur fyrir að hafa verið „hermaður Hitlers“ Maður á sextugsaldri sagður hafa stungið grunnskóladreng Sánchez íhugar að segja af sér vegna meintrar spillingar Spaðar Rauðu myllunnar hrundu til jarðar í nótt Skipulögðu árásir í Þýskalandi og víðar í nafni ISKP Fyrstu hergögnin eiga að berast til Úkraínu á næstu klukkustundum Segir ekki af sér þrátt fyrir njósnir aðstoðarmannsins Aðstoðarvarnarmálaráðherra ákærður fyrir mútuþægni Upptök eldsins í gömlu kauphöllinni enn ókunn Settur út af sakramentinu fyrir að stýra minningarstund um Navalní Handtóku barnunga öfgamenn eftir stunguárás í Sydney Ekki ólöglegt fyrir konur að brjóta gegn körlum Grunuð um að hafa banað tveimur börnum Vitni greinir frá ráðabruggi og lögmaður Trump fær viðvörun Öldungadeildin samþykkti 95 milljarða dala aðstoð við Úkraínu, Ísrael og Taívan Reyna að sigla um geiminn á geislum sólarinnar Lýsa yfir áhyggjum af fregnum af fjöldagröfum á Gasa Fá aftur gögn frá tæplega hálfrar aldar gömlu geimfari Umdeildur flutningur á hælisleitendum til Rúanda samþykktur Starfsmaður hægrijaðarflokks handtekinn fyrir njósnir fyrir Kína Gera alvarlegar athugasemdir við verðlaunakerfi Tik Tok Tugir handteknir á mótmælum háskólanema gegn aðgerðum Ísraels Undirbúa stærðarinnar sendingar til Úkraínu Engin sönnunargögn bendla UNRWA við árásina Hættu við umfangsmiklar árásir á Íran Sakaði Trump um að reyna að spilla kosningunum 2016 Dæmdu samskiptastjóra Meta fyrir að „verja hryðjuverk“ Modi sakaður um múslimaandúð í miðjum kosningum Sjá meira
Loftslagsbreytingar hafa komið hraðar fram undanfarin fimm ár en áður á sama tíma og losun á gróðurhúsalofttegundum hefur aukist um fimmtung. Í nýrri skýrslu alþjóðlegra vísindastofnana kemur fram undanfarin fimm ár verði þau hlýjustu frá því að mælingar hófust og að styrkur gróðurhúsalofttegunda í lofthjúpi jarðar hafi aldrei mælst meiri. Þetta er á meðal þess sem kemur fram í skýrslu Alþjóðaveðurfræðistofnunarinnar (WMO) um hnattrænar loftslagsbreytingar á árunum 2015 til 2019 sem er birt í aðdraganda loftslagsráðstefnu Antonio Guterres, framkvæmdastjóra Sameinuðu þjóðanna, í vikunni. Afleiðingar loftslagsbreytinga af völdum manna eins og hækkun yfirborðs sjávar, bráðnun íss og veðuröfgar hafa allar færst í aukana á tímabilinu. Hnattræn hlýnun nemur nú um 1,1°C frá upphafi iðnbyltingarinnar og 0,2°C miðað við tímabili 2011 til 2015. Skýrsla WMO er hluti af stærri samantekt alþjóðlegra vísindastofnana um ástand loftslags jarðar, viðbrögð manna við því til þessa og spár um breytingar á loftslaginu í framtíðinni. Þar er lögð áhersla á að brýnt sér að ráðast í róttækar loftslagsaðgerðir til að takmarka mögulega óafturkræfar áhrif loftslagsbreytinga.Þykkur reykur stígur upp frá skógar- og kjarreldum í Alaska í júlí. Eldar loguðu víða um norðurslóðir í sumar en þeir verða tíðari með hlýnandi loftslagi.Vísir/GettyTryggt að hlýnun heldur áfram í áratugi Losun heimsbyggðarinnar á koltvísýringi og öðrum gróðurhúsalofttegundum hefur haldið áfram að aukast undanfarin fimm ár. Aukningin er um fimmtungi meiri nú en hún var á fimm ára tímabilinu á undan. Magn gróðurhúsalofttegunda sem menn hafa þegar losað út í lofthjúp jarðar tryggir á hnattræn hlýnun á eftir að halda áfram um áratugaskeið, jafnvel þó að allri losun yrði hætt samstundis. Útlit er fyrir að styrkur koltvísýrings í lofthjúpnum nái eða verði meiri en 410 hlutar af milljón fyrir lok ársins. Styrkurinn hefur aldrei mælst hærri í sögu mannkynsins. Petteri Taalas, yfirmaður WMO, segir í tilkynningu að þrefalda þurfi umfang aðgerða til að hægt verði að ná markmiði Parísarsamkomulagsins um að halda hnattrænni hlýnun innan við 2°C. Fimmfalda þurfi metnaðinn til að ná 1,5°C-markmiðinu sem láglend Kyrrahafsríki komu inn í samkomulagið. „Það er gríðarlega mikilvægt að við drögum úr losun gróðurhúsalofttegunda, sérstaklega frá orkuframleiðslu, iðnaði og samgöngum. Þetta er nauðsynlegt ef við ætlum að draga úr áhrifum loftslagsbreytinga og ná markmiðum Parísarsamkomulagsins,“ segir Taalas.Eftirleikur fellibylsins Harvey sem gekk yfir Texas árið 2017. Loftslagsbreytingar auka áhrif fellibylja. Hlýrra loft þýðir að loftið heldur meiri raka og hærri sjávarstaða þýðir verri sjávarflóð.Vísir/GettyHækkun sjávarmáls og bráðnun íss Yfirborð sjávar hefur hækkað um fimm millímetra á ári að meðaltali frá 2014 til 2019. Það er millímetra meira en á árunum 2007 til 2016. Hækkunin nú er umtalsvert hraðari en meðaltalið frá 1993 sem hefur verið 3,2 millímetrar á ári. Bráðnun íss á landi er nú sögð leika stærra hlutverk í hækkun yfirborðs sjávar en áður og hafi nú meira vægi en útþensla hafsins vegna hlýnunar. Á tímabilinu hefur lágmarksútbreiðsla hafíss á norðurskautinu að sumri dregist sama og var hún vel undir meðaltali áranna 1981 til 2010. Þá mældist meðalútbreiðsla hafíssins að vetri fjórum sinnum sú minnsta í mælingarsögunni á tímabilinu. Fjölær ís er sagður nær algerlega horfinn. Á suðurskautinu, þar sem aðstæður eru nokkuð aðrar en á norðurskautinu, hefur lágmarksútbreiðsla hafíss að sumri og hámarksútbreiðsla að vetri verið vel undir meðatali áranna 1981 til 2010 frá árinu 2016, andstætt við fimm ára tímabilið frá 2011 til 2015. Árlegt ístap á Suðurskautslandinu hefur sexfaldast úr fjörutíu milljörðum tonna á ári frá 1979 til 2000 í 252 milljarða tonna á ári frá 2009 til 2017. Á Grænlandi hefur bráðnun íss einnig orðið umtalsvert hraðari frá aldamótum.Jakobshafnarjökullinn á Vestur-Grænlandi. Grænlandsjökull tapar nú ís hratt sem hækkar yfirborð sjávar.Vísir/EPASúrnun og hlýnun sjávar Höf jarðar leika lykilhlutverk í loftslagi hennar. Þau hafa tekið upp meira en 90% þess umframhita sem hefur orðið til vegna aukinna gróðurhúsalofttegunda af völdum manna. Hiti í efstu 700 metrum hafsins hefur aldrei mælst hærri en í fyrra. Næstmestur var hitinn árið 2017 og þriðji mestur árið 2015.Á sama tíma hafa höfin tekið upp um 30% þess koltvísýrings sem menn hafa losað og þannig komið í veg fyrir enn meiri hlýnun. Það hefur aftur á móti valdið því að höfin hafa súrnað um 26% frá upphafi iðnbyltingarinnar. Súrnun sjávar hefur veruleg áhrif á vistkerfi hafsins, þar á meðal kórala og aðrar kalkmyndandi lífverur. Hlýnun sjávar ágerir þau áhrif enn frekar.Íbúar í Chennai á Indlandi bíða eftir vatni sem var flutt þangað með flutningabíl í langvarandi þurrki júlí. Hitabylgjur og þurrkar hafa sett ýmis konar álag á borgir, meðal annars vatnsból þeirra.Vísir/GettyVeðuröfgar Hitabylgjur voru mannskæðustu veðurhamfarirnar á tímabilinu 2015 til 2019 og höfðu áhrif á öllum heimsálfum jarðar. Fjöldi hitameta var sleginn í þeim. Nær allar rannsóknir á miklum hitabylgjum frá árinu 2015 hafa fundið merki um áhrif hnattrænnar hlýnunar á þær.Mesta efnahagslega tjónið var af völdum hitabeltisfellibylja. Fellibyljatímabilið í Atlantshafi árið 2017 var eitt það versta sem sögur fara af. Þannig hljóp af völdum fellibylsins Harvey sem gekk yfir Texas um 125 milljörðum dollara. Tveir fellibylir úr Indlandshafi gengu yfir Mósambík í mars og apríl á þessu ári með alvarlegum afleiðingum.Skógar- og kjarreldar tengjast þurrkum. Þrjú stærstu efnahagslegu tjónin af völdum slíkra elda hafa orðið undanfarin fjögur ár.Eldarnir valda þar að auki enn frekari loftslagsbreytingum því mikið magn koltvísýrings losnar þegar skógar, kjarr og jarðvegur brennur. Áætlað er að um fimmtíu milljón tonn koltvísýrings hafi losnað út í andrúmsloftið í fordæmalausum kjarreldum á norðurslóðum í júní. Það er sagt meira en losnaði frá eldum á norðurslóðum í júnímánuði frá 2010 til 2018 samanlagt.Vísað er í Fréttablað Veðurfræðifélags Bandaríkjanna um að 62 af 77 ofsaveðuratburðum frá 2015 til 2017 hafi borið skýr merki um áhrif loftslagsbreytinga af völdum manna. Fyrir utan að allar meiriháttar hitabylgjur hafa vísindamenn tengt öfgakennda úrkomu við athafnir manna.
Loftslagsmál Sameinuðu þjóðirnar Vísindi Tengdar fréttir Losun frá flugi vex hraðar en spár gerðu ráð fyrir Þrátt fyrir að sparneytni nýrra flugvéla hafi batnað hefur vaxandi eftirspurn og fjölgun flugferða meira en vegið upp á móti því. 20. september 2019 10:21 Loftmyndir sýna gríðarlega mikla eyðileggingu eftir Amasónelda Aldrei hafa fleiri skógareldar brunnið í Amasónfrumskóginum frá því að mælingar hófust 25. ágúst 2019 21:45 Blinda á staðreyndir að tengja hitabylgjuna ekki við hnattræna hlýnun Sum staðar hafa fyrri hitamet í Evrópu verið slegin með allt að þriggja gráðu mun í hitabylgjunni sem þar hefur geisað. 26. júlí 2019 14:30 Ógnvekjandi framtíð Las Vegas á tímum hamfarahlýnunar Las Vegas, fjölmennasta borg eyðimerkurríkisins Nevada í Bandaríkjunum og vinsæll ferðamannastaður, er sú borg í landinu þar sem hitastig hækkar hraðast. 3. september 2019 14:00 Júlí hlýjasti mánuður í sögu beinna mælinga á jörðinni Haf- og loftslagsstofnun Bandaríkjanna (NOAA) staðfestir að júlí í ár sló við metárinu 2016. Nú var aftur á móti enginn El niño-viðburður sem keyrði upp hitann. 15. ágúst 2019 16:06 Stefnir í metbráðnun á Grænlandsjökli í ár Þegar enn eru 35-40 dagar eftir af sumarbráðnun er ístapið á Grænlandi á við metárið 2012. 8. ágúst 2019 23:06 Mest lesið „Breiðholt mesta fátæktargildra landsins“ Innlent Ætlaði að koma upp um barnaníðing en lenti í klóm hans Innlent Tveir létust í banaslysi í Eyjafirði Innlent Sigríði þykir ólíklegt að hún nái undirskriftum Innlent Segir lág laun leikskólakennara mýtu Innlent Steinunn Ólína segir landráðamál í uppsiglingu Innlent Útlagar spreyjaðir gylltir Innlent Auglýsa eftir „eiganda“ fjármuna Innlent Leikskólakennarar ósáttir við vettlingagjörning Innlent Tíu sektaðir vegna notkunar nagladekkja Innlent Fleiri fréttir Trump líklegur til að græða á úrskurði Hæstaréttar Dómi Harvey Weinstein snúið við Tekur fyrir að hafa verið „hermaður Hitlers“ Maður á sextugsaldri sagður hafa stungið grunnskóladreng Sánchez íhugar að segja af sér vegna meintrar spillingar Spaðar Rauðu myllunnar hrundu til jarðar í nótt Skipulögðu árásir í Þýskalandi og víðar í nafni ISKP Fyrstu hergögnin eiga að berast til Úkraínu á næstu klukkustundum Segir ekki af sér þrátt fyrir njósnir aðstoðarmannsins Aðstoðarvarnarmálaráðherra ákærður fyrir mútuþægni Upptök eldsins í gömlu kauphöllinni enn ókunn Settur út af sakramentinu fyrir að stýra minningarstund um Navalní Handtóku barnunga öfgamenn eftir stunguárás í Sydney Ekki ólöglegt fyrir konur að brjóta gegn körlum Grunuð um að hafa banað tveimur börnum Vitni greinir frá ráðabruggi og lögmaður Trump fær viðvörun Öldungadeildin samþykkti 95 milljarða dala aðstoð við Úkraínu, Ísrael og Taívan Reyna að sigla um geiminn á geislum sólarinnar Lýsa yfir áhyggjum af fregnum af fjöldagröfum á Gasa Fá aftur gögn frá tæplega hálfrar aldar gömlu geimfari Umdeildur flutningur á hælisleitendum til Rúanda samþykktur Starfsmaður hægrijaðarflokks handtekinn fyrir njósnir fyrir Kína Gera alvarlegar athugasemdir við verðlaunakerfi Tik Tok Tugir handteknir á mótmælum háskólanema gegn aðgerðum Ísraels Undirbúa stærðarinnar sendingar til Úkraínu Engin sönnunargögn bendla UNRWA við árásina Hættu við umfangsmiklar árásir á Íran Sakaði Trump um að reyna að spilla kosningunum 2016 Dæmdu samskiptastjóra Meta fyrir að „verja hryðjuverk“ Modi sakaður um múslimaandúð í miðjum kosningum Sjá meira
Losun frá flugi vex hraðar en spár gerðu ráð fyrir Þrátt fyrir að sparneytni nýrra flugvéla hafi batnað hefur vaxandi eftirspurn og fjölgun flugferða meira en vegið upp á móti því. 20. september 2019 10:21
Loftmyndir sýna gríðarlega mikla eyðileggingu eftir Amasónelda Aldrei hafa fleiri skógareldar brunnið í Amasónfrumskóginum frá því að mælingar hófust 25. ágúst 2019 21:45
Blinda á staðreyndir að tengja hitabylgjuna ekki við hnattræna hlýnun Sum staðar hafa fyrri hitamet í Evrópu verið slegin með allt að þriggja gráðu mun í hitabylgjunni sem þar hefur geisað. 26. júlí 2019 14:30
Ógnvekjandi framtíð Las Vegas á tímum hamfarahlýnunar Las Vegas, fjölmennasta borg eyðimerkurríkisins Nevada í Bandaríkjunum og vinsæll ferðamannastaður, er sú borg í landinu þar sem hitastig hækkar hraðast. 3. september 2019 14:00
Júlí hlýjasti mánuður í sögu beinna mælinga á jörðinni Haf- og loftslagsstofnun Bandaríkjanna (NOAA) staðfestir að júlí í ár sló við metárinu 2016. Nú var aftur á móti enginn El niño-viðburður sem keyrði upp hitann. 15. ágúst 2019 16:06
Stefnir í metbráðnun á Grænlandsjökli í ár Þegar enn eru 35-40 dagar eftir af sumarbráðnun er ístapið á Grænlandi á við metárið 2012. 8. ágúst 2019 23:06