Boris Johnson, forsætisráðherra Breta, hefur nú bæst í hóp þeirra sem saka Íran um að hafa staðið á bakvið árásina á olíuvinnslustöð Sádi-Araba á dögunum.
Johnson segir afar miklar líkur á því að Írönum sé um að kenna, en þeir hafa þó staðfastlega neitað því.
Johnson vill heldur ekki útiloka að gripið verði til hernaðaraðgerða og segir auknar viðskiptaþvinganir einnig mögulegar vegna málsins.
Bandaríkjamenn, sem einnig kenna Írönum um árásina, hafa ákveðið að fjölga í herliði sínu í Sádi-Arabíu.
Johnson er nú á leið til New York á allsherjarþing Sameinuðu þjóðanna þar sem hann mun meðal annars hitta forseta Írans, Hassan Rouhani.
Johnson sakar einnig Írani um árásina
Tengdar fréttir
„Allsherjarstríð“ geri Bandaríkin árásir á Íran
Javad Zarif, utanríkisráðherra Íran, segir að geri Sádi-Arabía eða Bandaríkin loftárásir á Íran verði afleiðing þess „allsherjarstríð“ og sagði að Sádar þyrftu að berjast til "síðasta bandaríska hermannsins“ ef af yrði.
Bandaríkin senda hermenn til Sádi-Arabíu
Bandaríkjastjórn hefur tilkynnt að hún hyggist senda bandaríska hermenn til Sádi-Arabíu eftir að drónaárás var gerð stærstu olíuvinnslustöð heimsins, fyrr í mánuðinum. Bandaríkin og Sádar saka stjórnvöld í Íran um að bera ábyrgð á árásinni.
Senda hermenn til Sádi-Arabíu að verjast frekari árásum
Bandaríkjastjórn tilkynnti í nótt að hún hygðist senda bandaríska hermenn til Sádi-Arabíu vegna drónaárásar sem var gerð á stærstu olíuvinnslustöð heimsins, fyrr í mánuðinum.
