Kompany missir af eigin góðgerðaleik vegna meiðsla: „Dæmigert fyrir mig“

Vincent Kompany getur ekki spilað í eigin góðgerðarleik á Etihad-vellinum í Manchester í kvöld vegna meiðsla.

„Þetta er dæmigert fyrir mig, er það ekki?“ sagði Kompany á blaðamannafundi fyrir leikinn í dag. Orð að sönnu enda var Kompany mikið meiddur síðustu árin sín hjá Manchester City.

"It is typical of me isn't it..."

Vincent Kompany confirms he will miss his own testimonial tonight through injury

Full story: https://t.co/hTKNx16NAQpic.twitter.com/4NaXW8A8sB

— Sky Sports News (@SkySportsNews) September 11, 2019

Í góðgerðaleiknum mætir úrvalslið City goðsögnum úr ensku úrvalsdeildinni.

Kompany lék með City á árunum 2008-19 og var lengi fyrirliði liðsins. Hann yfirgaf City í sumar og tók við sem spilandi þjálfari hjá Anderlecht í Belgíu.

Kompany varð fjórum sinnum Englandsmeistari með City, tvisvar sinnum bikarmeistari og fjórum sinnum deildabikarmeistari.