Allianz Arena er einn flottasti knattspyrnuleikvangurinn í Evrópu og nú hafa heimamenn í Bayern München bætt við upplifun leikmanna.

Bæjarar hafa hér eftir möguleikann á því að taka mótherjana úr jafnvægi með nýjum tæknivæddum leikmannagöngum.

Veggirnir í leikmannagöngunum eru nú einn stór LED skjár sem er fjórtán metra langur og þriggja metra hár. Þar getur Bayern birt alls kyns myndir og myndbönd.

Karl-Heinz Rummenigge, stjórnarformaður Bayern München, talar um „rauða helvítið“ og það er ljóst að það getur verið verið mikið áreiti á leikmenn þegar þeir taka  síðustu skrefin inn á völlinn fyrir leik á móti Bayern München á Allianz Arena.

Hér fyrir neðan má sjá myndbrot út nýju leikmannagöngunum.

The new player tunnel for @FCBayern at Allianz Arena incorporates a complete digital makeover.

Through state-of-the-art LED walls- measuring around 46 feet long and up to 10 feet high – portraits of players will display via 4K technology.

pic.twitter.com/yi2M8mpIRr
— Front Office Sports (@frntofficesport) September 18, 2019

Bayern München vann í gær 3-0 sigur á Rauðu Stjörnuni frá Belgrad í fyrsta heimaleiknum í Meistaradeildinni á tímabilinu og hafði unnið 6-1 sigur á Mainz 05 í síðasta heimaleiknum í deildinni. Hvort að leikmannagöngin hafa tekið mótherjana úr jafnvægi fyrir þessa leiki er ekki vitað.

Bayern München þarf kannski á smá hjálp að halda í þýsku deildinni þar sem liðið er „bara“ í fjórða sæti eftir fjórar umferðir en tveir af fjórum leikjum liðsins hafa endað með jafntefli þar á meðal síðasti leikur sem var útileikur við RB Leipzig um síðustu helgi.

„Was haben wir hier denn für einen leckeren Eingang in die Allianz Arena?!“ #FCBFKCZ #packmas #MiaSanMia pic.twitter.com/FcxRfnjAqW
— FC Bayern München (@FCBayern) September 18, 2019