Framkvæmdir á Íslandi sagðar liður í uppsetningu færanlegrar herstöðvar

Eiður Þór Árnason skrifar 22. júní 2019 15:02

Fram kom í svari utanríkisráðherra við fyrirspurn þingmanns að erlendir hermenn hafi haft daglega viðveru á Keflavíkurflugvelli undanfarin þrjú ár. Fréttablaðið/Eyþór

Bandaríkjaher áætlar að setja upp færanlega herstöð í Evrópu sem herinn getur sett upp snögglega ef þörf krefur. Framkvæmdir Bandaríkjahers á Íslandi eru liður í þessu ef marka má fjárhagsáætlun Bandaríkjahers fyrir árið 2020. RÚV greinir fyrst frá þessu.

Í áætluninni gengur þetta verkefni undir heitinu ECAOS (European Contingency Air Operations Set). Herinn áætlar að framkvæmdir hans hér á landi muni nema um sjö milljörðum króna.

Í frétt RÚV er haft eftir Sveini H. Guðmarssyni, upplýsingafulltrúa utanríkisráðuneytisins, að ekki sé áætlað að Bandaríkjaher muni staðsetja ECAOS hér á landi.

Bandaríkin Keflavíkurflugvöllur Utanríkismál

Tengdar fréttir

Bandaríkjaher ætlar í milljarðaframkvæmdir á Íslandi

Bandaríkjaher áformar að sjö milljarða króna mannvirkjauppbyggingu á Keflavíkurflugvelli á næsta ári.

21.6.2019 20:22

Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.