Minnstu munaði að Løkke fengi þakplötu í höfuðið
Minnstu mátti muna að Lars Løkke Rasmussen, forsætisráðherra Danmerkur, fengi þakplötu í höfuðið þar sem hann var staddur í miðju viðtali fyrir utan þjóðminjasafn Danmerkur fyrr í dag.
Þakplatan féll úr um tólf metra hæð og hafnaði um metra frá forsætisráðherranum.
Aðstoðarmaður Løkke náði atvikinu á myndband og deildi því á Twitter.
Øjeblikket, hvor @larsloekke (og os andre) er tæt på at få den berømte tagsten i hovedet.
Lidt ekstra adrenalin frem mod valgdagen! #FV19 @HrEngelholm pic.twitter.com/SWmacXAnCK
— Magnus Ulveman (@MagnusUlveman) June 3, 2019
Forsætisráðherrann viðurkennir í samtali við danska fjölmiðla að honum hafi brugðið, en var þó farinn að grínast um málið þegar hann var búinn að jafna sig.
Búið er að girða af svæðið og athugun hafin á því hvernig þá má vera að platan hafi losnað og fallið til jarðar.
Lars Løkke Rasmussen er nú í miðri kosningabaráttu en þingkosningar fara fram í Danmörku á miðvikudaginn.
Tengdar fréttir
Rauða blokkin er með góða forystu
Danir ganga að kjörborðinu næstkomandi miðvikudag. Allt bendir til þess að stjórnarskipti verði að loknum kosningunum og rauða blokkin fái góðan meirihluta.
Stefnir í sigur bandalags rauðu flokkanna í Danmörku
Danir ganga að kjörborðinu á miðvikudaginn í næstu viku.
