Erlent

Þrjátíu ár frá blóðbaðinu á Torgi hins himneska friðar

Gunnar Reynir Valþórsson skrifar
Samkvæmt umfjöllun í breska blaðinu The Guardian var erlendum fjölmiðlamönnum ekki hleypt inn á torgið í gærkvöldi og í morgun og komu óeinkennisklælddir lögreglumenn í veg fyrir að hægt væri að taka myndir af torginu úr fjarlægð.
Samkvæmt umfjöllun í breska blaðinu The Guardian var erlendum fjölmiðlamönnum ekki hleypt inn á torgið í gærkvöldi og í morgun og komu óeinkennisklælddir lögreglumenn í veg fyrir að hægt væri að taka myndir af torginu úr fjarlægð. vísir/getty

Þrjátíu ár eru í dag liðin frá blóðbaðinu á Torgi hins himneska friðar í Beijing, þegar kínversk stjórnvöld létu til skarar skríða gegn mótmælendum.

Mörg hundruð ef ekki þúsundir mótmælenda lágu í valnum en tala látinna hefur aldrei verið gefin út af kínverskum yfirvöldum.

Hert öryggisgæsla er á torginu í tilefni dagsins og umræður um atvikið hafa verið bældar niður af stjórnvöldum.

Samkvæmt umfjöllun í breska blaðinu The Guardian var erlendum fjölmiðlamönnum ekki hleypt inn á torgið í gærkvöldi og í morgun og komu óeinkennisklælddir lögreglumenn í veg fyrir að hægt væri að taka myndir af torginu úr fjarlægð.

Kínversk stjórnvöld hafa afar lítið tjáð sig um atvikið á Torgi hins himneska friðar í gegnum tíðina og er því alfarið sleppt úr opinberum kennslubókum. Ríkismiðlar minntust heldur ekkert á tímamótin í morgun.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.