Skógruðningur í Amazon regnskóginum mikið áhyggjuefni Hallgerður Kolbrún E. Jónsdóttir skrifar 4. júní 2019 23:16 Skógruðningur í Amazon regnskóginum hefur aldrei mælst meiri. getty/Ricardo Funari Skógruðningur brasilíska Amazon skógarins í maí mánuði var sá mesti hingað til eftir að nýtt mælingakerfi var tekið upp til að fylgjast með eyðingu skógar, sem hefur valdið auknum áhyggjum yfir því að Jair Bolsonaro, forseti landsins, leyfi ólöglegt skógarhögg, búskap og námuvinnslu. Frá þessu er greint á vef fréttastofu the Guardian. Amazon skógurinn, sem er stærsti regnskógurinn á jörðinni og er gríðarlega mikilvægur vegna súrefnismyndunar og koltvísýrings upptöku, missti 729 ferkílómetra skóglendis á þessum 31 dögum, sem nemur tveimur fótboltavöllum á hverri einustu mínútu, samkvæmt upplýsingum af gervihnattarmyndum ríkisstjórnarinnar. Þó svo að einn mánuður segi nákvæmlega til um hvernig skógruðning verði til langs tíma er maí mánuður talinn mikilvægur leiðarvísir þegar kemur að þessum málum vegna þess hann markar upphaf þurrkatímabils, sem er sá tími þegar skógbruni og annars konar skógruðningur er stundaður. Ef ríkisstjórnin gefur ekki skýr skilaboð um að hún muni ekki lýða frekari hröðun í skógruðningu, hræðast umhverfisverndarsinnar að aukning skógruðnings muni gera árið 2019 eitt versta ár skógruðnings í manna minnum. „Ríkisstjórnin getur ekki hundsað þessar tölur, sem koma frá þeirra eigin stofnun. Spurningin er hvað þau muni gera í málunum,“ sagði Carlos Souza, meðlimur sjálfstæða eftirlitshópnum Imazon. „Þegar kemur að júlí lokum munum við hafa skýra mynd af því hvaða afleiðingar nýlegar aðgerðir til að draga úr umhverfisstefnu stjórnvalda munu hafa.“Stjórnarskipti hafa leitt til minni áherslu á umhverfismál Frá því að öfgahægrimaðurinn Bolsonaro komst til valda í janúar, hefur umhverfisráðuneytið misst vægi sitt, höft við fjárhagslegri nýtingu Amazon skógarins hafa minnkað, aðgreining lands frumbyggja hefur minnkað og hvatt hefur verið til námuvinnslu og ræktunar á svæðinu. Síðan forsetinn gagnrýndi aðal eftirlitsstofnun landsins fyrir að vera „sekta iðnað“ hefur hún gefið út færri sektir nú en síðustu 11 ár og fjöldi eftirlitsferða hefur fækkað um 70% síðan í fyrra. Ricardo Salles, umhverfisráðherra Brasilíu, sem hefur verið sakfelldur fyrir umhverfispretti (e. Environmental fraud) og hafði aldrei heimsótt Amazon, hefur einnig minnkað umboð ráðuneytisins en hann hefur ekki tilnefnd svæðisstjóra og hefur rekið fjöldann allan af eftirlitsmönnum. Fyrr í vikunni greindi fréttastofan Folha frá því að hann ynni að einkavæðingu gervihnattaeftirlits skógarins. Hann hefur einnig þjakað norska og þýska styrktaraðila með því að leggja til að þeir fái minna ráðið um það hvernig fjármagni Amazon sjóðsins sé varið. Amazon sjóðurinn býr yfir fjármagni upp á 162 milljarða íslenskra króna. Á þinginu hefur stærsti landbúnaðar þrýstihópurinn ýtt eftir frekari slökun á eftirliti og meðal annars þrýst eftir því að friðarsvæði verði af friðuð.Jair Bolsonaro, forseti Brasilíu.getty/Andre CoelhoElsti sonur Bolsonaro, Flavio, sem er öldungadeildarþingmaður, lagði nýlega til breytingartillögu á einum elstu lögunum um skóginn, sem gerði það að verkum að bændur á Amazon svæðinu þyrftu ekki að viðhalda 50-80% af landi sínu skógi vöxnu. Þessi breyting myndi opna fyrir svæði til notkunar sem væri stærra en Íran. „Þessi aukning skógruðnings er hræðileg en kemur varla á óvart: ríkisstjórnin í Brasilíu er að brjóta upp eiginlega alla þá umhverfisstefnu sem hefur verið komið á síðan 1992 og hefur áreitt ríkisstarfsmenn og með því valdeflt umhverfisglæpamenn,“ sagði Carlos Rittl, aðalritari frjálsu félagasamtakanna Climate Observatory, sem var stofnað af mörgum minni umhverfishópum. „ Hins vegar þurfum við að bíða og sjá hvernig ríkisstjórnin mun starfa í júní.“ Aðrir þættir gætu einnig hafa haft áhrif á aukningu skógruðnings. Fyrstu mánuði þessa árs voru miklar rigningar á svæðinu, sem gerði það að verkum að eftirlit með notkun gervihnatta var erfiðari svo að sum svæði gætu hafa yfirsést í eftirlitinu. Slæma veðrið gæti einnig hafa fengið skógarhöggvara og bændur til að geyma allan ruðning þar til í maí. Hagkerfið, sem ýtir oft undir skógruðning á þeim tímum sem kjöt- og sojaverð er hátt, hefur einnig verið lágt niðri en Bolsonaro hefur haldið því fram að iðnbúskapur geti aukið hagvöxt í Brasilíu. Brasilía Loftslagsmál Umhverfismál Mest lesið Öllum sem geri lítið úr morðinu „verði refsað“ Erlent Ósætti með nýtt grenndargámasvæði: „Þetta er bara mikið áhyggjuefni“ Innlent Hefja frumkvæðisathugun á dauðsföllum tengdum bóluefnum Erlent Í straffi fyrir skilaboð á vegg Kaffibarsins: „Þetta eru bara skemmdarverk“ Innlent Áköf úrkoma hætti á skriðuföll á Ströndum Innlent Stærsti skjálfti síðan í maí fannst í byggð Innlent Bregðast við árás á barnaníðing í Fellabæ Innlent Hinn 22 ára Tyler Robinson grunaður um morðið á Kirk Erlent Ákærður fyrir tilraun til manndráps í Úlfarsárdal Innlent Þurfi að jafna réttindi upp á við en ekki skerða hjá einum hóp Innlent Fleiri fréttir Öllum sem geri lítið úr morðinu „verði refsað“ Hefja frumkvæðisathugun á dauðsföllum tengdum bóluefnum Allsherjarþingið ályktar um palestínskt ríki NATO eflir varnir í austri Erna Solberg hættir Hinn 22 ára Tyler Robinson grunaður um morðið á Kirk Trump segist nokkuð viss um að grunaður morðingi hafi verið handsamaður Bandaríkjastjórn fargar getnaðarvörnum fyrir 9,7 milljónir dala Stjórnvöld höfða mál á hendur Uber vegna mismununar gegn fötluðum Alríkislögreglan birtir myndskeið af morðingjanum Dæmdur í tuttugu og sjö ára fangelsi fyrir valdaránstilraun Rándýrar herþotur og flugskeyti gegn ódýrum drónum Breskur sendiherra rekinn vegna tengsla við Epstein Hver var Charlie Kirk? Vaktin: Vopnið fundið og FBI dreifir myndum Neyðarfundur verði boðaður í Öryggisráði SÞ Vill draga Netanyahu fyrir dóm vegna árásarinnar í Doha Trump segir öfga-vinstrið bera ábyrgð á morðinu Bandamaður Trumps skotinn til bana á fjölmennum viðburði Íslendingur fastur í Nepal: „Við erum búin að halda okkur inni allan tímann“ Faðirinn ákærður fyrir að beita Oscar ofbeldi Boða hertar aðgerðir gegn afbrotaunglingum Pólland ekki verið nær stríði frá því í seinni heimsstyrjöldinni Herinn skakkar leikinn í Katmandú Europol og Bandaríkin lýsa eftir úkraínskum tölvuþrjót Hyggjast bólusetja kóalabirni gegn klamydíu Rússneskir drónar skotnir niður í lofthelgi Póllands Óttast gremju uppgjafahermanna í Rússlandi Efast um að Bandaríkin leyfi sjálfstætt Grænland Taka tolla Trumps í flýtimeðferð Sjá meira
Skógruðningur brasilíska Amazon skógarins í maí mánuði var sá mesti hingað til eftir að nýtt mælingakerfi var tekið upp til að fylgjast með eyðingu skógar, sem hefur valdið auknum áhyggjum yfir því að Jair Bolsonaro, forseti landsins, leyfi ólöglegt skógarhögg, búskap og námuvinnslu. Frá þessu er greint á vef fréttastofu the Guardian. Amazon skógurinn, sem er stærsti regnskógurinn á jörðinni og er gríðarlega mikilvægur vegna súrefnismyndunar og koltvísýrings upptöku, missti 729 ferkílómetra skóglendis á þessum 31 dögum, sem nemur tveimur fótboltavöllum á hverri einustu mínútu, samkvæmt upplýsingum af gervihnattarmyndum ríkisstjórnarinnar. Þó svo að einn mánuður segi nákvæmlega til um hvernig skógruðning verði til langs tíma er maí mánuður talinn mikilvægur leiðarvísir þegar kemur að þessum málum vegna þess hann markar upphaf þurrkatímabils, sem er sá tími þegar skógbruni og annars konar skógruðningur er stundaður. Ef ríkisstjórnin gefur ekki skýr skilaboð um að hún muni ekki lýða frekari hröðun í skógruðningu, hræðast umhverfisverndarsinnar að aukning skógruðnings muni gera árið 2019 eitt versta ár skógruðnings í manna minnum. „Ríkisstjórnin getur ekki hundsað þessar tölur, sem koma frá þeirra eigin stofnun. Spurningin er hvað þau muni gera í málunum,“ sagði Carlos Souza, meðlimur sjálfstæða eftirlitshópnum Imazon. „Þegar kemur að júlí lokum munum við hafa skýra mynd af því hvaða afleiðingar nýlegar aðgerðir til að draga úr umhverfisstefnu stjórnvalda munu hafa.“Stjórnarskipti hafa leitt til minni áherslu á umhverfismál Frá því að öfgahægrimaðurinn Bolsonaro komst til valda í janúar, hefur umhverfisráðuneytið misst vægi sitt, höft við fjárhagslegri nýtingu Amazon skógarins hafa minnkað, aðgreining lands frumbyggja hefur minnkað og hvatt hefur verið til námuvinnslu og ræktunar á svæðinu. Síðan forsetinn gagnrýndi aðal eftirlitsstofnun landsins fyrir að vera „sekta iðnað“ hefur hún gefið út færri sektir nú en síðustu 11 ár og fjöldi eftirlitsferða hefur fækkað um 70% síðan í fyrra. Ricardo Salles, umhverfisráðherra Brasilíu, sem hefur verið sakfelldur fyrir umhverfispretti (e. Environmental fraud) og hafði aldrei heimsótt Amazon, hefur einnig minnkað umboð ráðuneytisins en hann hefur ekki tilnefnd svæðisstjóra og hefur rekið fjöldann allan af eftirlitsmönnum. Fyrr í vikunni greindi fréttastofan Folha frá því að hann ynni að einkavæðingu gervihnattaeftirlits skógarins. Hann hefur einnig þjakað norska og þýska styrktaraðila með því að leggja til að þeir fái minna ráðið um það hvernig fjármagni Amazon sjóðsins sé varið. Amazon sjóðurinn býr yfir fjármagni upp á 162 milljarða íslenskra króna. Á þinginu hefur stærsti landbúnaðar þrýstihópurinn ýtt eftir frekari slökun á eftirliti og meðal annars þrýst eftir því að friðarsvæði verði af friðuð.Jair Bolsonaro, forseti Brasilíu.getty/Andre CoelhoElsti sonur Bolsonaro, Flavio, sem er öldungadeildarþingmaður, lagði nýlega til breytingartillögu á einum elstu lögunum um skóginn, sem gerði það að verkum að bændur á Amazon svæðinu þyrftu ekki að viðhalda 50-80% af landi sínu skógi vöxnu. Þessi breyting myndi opna fyrir svæði til notkunar sem væri stærra en Íran. „Þessi aukning skógruðnings er hræðileg en kemur varla á óvart: ríkisstjórnin í Brasilíu er að brjóta upp eiginlega alla þá umhverfisstefnu sem hefur verið komið á síðan 1992 og hefur áreitt ríkisstarfsmenn og með því valdeflt umhverfisglæpamenn,“ sagði Carlos Rittl, aðalritari frjálsu félagasamtakanna Climate Observatory, sem var stofnað af mörgum minni umhverfishópum. „ Hins vegar þurfum við að bíða og sjá hvernig ríkisstjórnin mun starfa í júní.“ Aðrir þættir gætu einnig hafa haft áhrif á aukningu skógruðnings. Fyrstu mánuði þessa árs voru miklar rigningar á svæðinu, sem gerði það að verkum að eftirlit með notkun gervihnatta var erfiðari svo að sum svæði gætu hafa yfirsést í eftirlitinu. Slæma veðrið gæti einnig hafa fengið skógarhöggvara og bændur til að geyma allan ruðning þar til í maí. Hagkerfið, sem ýtir oft undir skógruðning á þeim tímum sem kjöt- og sojaverð er hátt, hefur einnig verið lágt niðri en Bolsonaro hefur haldið því fram að iðnbúskapur geti aukið hagvöxt í Brasilíu.
Brasilía Loftslagsmál Umhverfismál Mest lesið Öllum sem geri lítið úr morðinu „verði refsað“ Erlent Ósætti með nýtt grenndargámasvæði: „Þetta er bara mikið áhyggjuefni“ Innlent Hefja frumkvæðisathugun á dauðsföllum tengdum bóluefnum Erlent Í straffi fyrir skilaboð á vegg Kaffibarsins: „Þetta eru bara skemmdarverk“ Innlent Áköf úrkoma hætti á skriðuföll á Ströndum Innlent Stærsti skjálfti síðan í maí fannst í byggð Innlent Bregðast við árás á barnaníðing í Fellabæ Innlent Hinn 22 ára Tyler Robinson grunaður um morðið á Kirk Erlent Ákærður fyrir tilraun til manndráps í Úlfarsárdal Innlent Þurfi að jafna réttindi upp á við en ekki skerða hjá einum hóp Innlent Fleiri fréttir Öllum sem geri lítið úr morðinu „verði refsað“ Hefja frumkvæðisathugun á dauðsföllum tengdum bóluefnum Allsherjarþingið ályktar um palestínskt ríki NATO eflir varnir í austri Erna Solberg hættir Hinn 22 ára Tyler Robinson grunaður um morðið á Kirk Trump segist nokkuð viss um að grunaður morðingi hafi verið handsamaður Bandaríkjastjórn fargar getnaðarvörnum fyrir 9,7 milljónir dala Stjórnvöld höfða mál á hendur Uber vegna mismununar gegn fötluðum Alríkislögreglan birtir myndskeið af morðingjanum Dæmdur í tuttugu og sjö ára fangelsi fyrir valdaránstilraun Rándýrar herþotur og flugskeyti gegn ódýrum drónum Breskur sendiherra rekinn vegna tengsla við Epstein Hver var Charlie Kirk? Vaktin: Vopnið fundið og FBI dreifir myndum Neyðarfundur verði boðaður í Öryggisráði SÞ Vill draga Netanyahu fyrir dóm vegna árásarinnar í Doha Trump segir öfga-vinstrið bera ábyrgð á morðinu Bandamaður Trumps skotinn til bana á fjölmennum viðburði Íslendingur fastur í Nepal: „Við erum búin að halda okkur inni allan tímann“ Faðirinn ákærður fyrir að beita Oscar ofbeldi Boða hertar aðgerðir gegn afbrotaunglingum Pólland ekki verið nær stríði frá því í seinni heimsstyrjöldinni Herinn skakkar leikinn í Katmandú Europol og Bandaríkin lýsa eftir úkraínskum tölvuþrjót Hyggjast bólusetja kóalabirni gegn klamydíu Rússneskir drónar skotnir niður í lofthelgi Póllands Óttast gremju uppgjafahermanna í Rússlandi Efast um að Bandaríkin leyfi sjálfstætt Grænland Taka tolla Trumps í flýtimeðferð Sjá meira