Erlent

Leggja fram formlega beiðni um handtöku

Gunnar Reynir Valþórsson skrifar
Julian Assange, stofnandi Wikileaks.
Julian Assange, stofnandi Wikileaks. AP/Matt Dunham
Saksóknari í Svíþjóð hefur farið fram á það við þarlenda dómstóla að gefin verði út handtökuskipun á Julian Assange, stofnanda Wikileaks.



Þetta hefur AP fréttastofan eftir Evu Marie Persson saksóknara.



Hún segir að fallist sænskur dómari á beiðnina verði í kjölfarið gefin út evrópsk handtökuskipun.



Assange, sem var handtekinn í sendirráði Ekvadors í London á dögunum og hnepptur í varðhald í Bretlandi, á einnig yfir höfði sér framsalsbeiðni frá Bandaríkjunum.



Fari svo að svíar krefjisst þess að réttað verði yfir honum í Svíþjóð vegna ásökunar um nauðgun, þá þurfi Bretar að ákveða hvort þeir sendi hann til Svíþjóðar eða Bandaríkjanna.

Tengd skjöl


Tengdar fréttir

Rannsókn á nauðgunarmáli Assange opnuð aftur

Lögmaður konu sem sakar stofnanda Wikileaks um nauðgun fór fram á að rannsókn yrði tekin upp aftur í kjölfar þess að hann er ekki lengur í skjóli í sendiráði Ekvadors.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.