Katalónarnir náðu kjöri en óvissa ríkir um framhaldið Þórgnýr Einar Albertsson skrifar 28. maí 2019 06:15 Útlaginn Puigdemont telur sig nú njóta þinghelgi. Nordicphotos/AFP Þrír af leiðtogum katalónsku sjálfstæðishreyfingarinnar náðu kjöri á Evrópuþingið í kosningum helgarinnar. Það er hins vegar alls óvíst hvort þeir geti tekið sæti á þinginu enda er staða þeirra nokkuð óvenjuleg. Framboð fyrrverandi héraðsforsetans Carles Puigdemont, JxCat, fékk um 28,52 prósent atkvæða í héraðinu og framboð fyrrverandi héraðsvaraforsetans Oriol Junqueras, ERC, fékk 21,19 prósent. Þeirra á milli var Sósíalistaflokkurinn, sem er sambandssinnaður, með 22,14 prósent. Í heildina fengu flokkar sjálfstæðissinna fleiri atkvæði en sambandssinna. Junqueras er í gæsluvarðhaldi á Spáni. Réttað er yfir honum og ellefu öðrum Katalónum um þessar mundir fyrir uppreisn, uppreisnaráróður og aðra meinta glæpi sem Katalónarnir eiga að hafa framið í kringum sjálfstæðisatkvæðagreiðsluna í héraðinu haustið 2017. Puigdemont er aftur á móti í sjálfskipaðri útlegð í Belgíu. Þangað flúði hann skömmu áður en hann var sakaður um sömu glæpi og evrópsk handtökuskipun var gefin út á hendur honum. Forsetinn fyrrverandi hefur hins vegar ekki enn verið framseldur til Spánar. Hið sama gildir um fyrrverandi heilbrigðismálaráðherra Katalóna, Antoni Comín, sem náði einnig kjöri. Það var óljóst þangað til í upphafi mánaðar hvort framboð sjálfstæðisleiðtoganna væri yfir höfuð löglegt. Dómstóll í Madríd úrskurðaði hins vegar svo. Lögfræðiálit sem Antonio Tajani, forseti Evrópuþingsins, fór fram á sýndi sömu niðurstöðu, að katalónskir útlagar og ákærðir mættu bjóða sig fram. Hins vegar er áhyggjuefni fyrir Katalónana að í þessu sama lögfræðiáliti sagði að til þess að taka sæti á Evrópuþinginu þyrftu þeir að ferðast til Madrídar og sverja spænsku stjórnarskránni hollustueið. Þetta gæti reynst erfitt fyrir Puigdemont þar sem hann yrði líklega handtekinn ef hann kemur til Spánar. Junqueras er vissulega staddur á Spáni nú þegar. Hann náði einnig kjöri í neðri deild spænska þingsins og fékk leyfi til að fara úr fangelsinu ásamt fjórum öðrum til að sverja sams konar eið. Að því loknu voru fimmmenningarnir hins vegar sendir aftur í fangelsi og sendir í leyfi frá þingstörfum. Það er sum sé ekki öruggt að Junqueras eða Puigdemont fái að taka sæti. Fyrir liggur að Puigdemont er ekki sammála lögfræðiálitinu. Hann hefur áður sagst öðlast þinghelgi um leið og hann nær kjöri og lítur svo á í þokkabót að ferðin til Spánar sé ekki nauðsynleg. Forsetinn fyrrverandi hefur ekki gefið til kynna með afgerandi hætti hvort hann ætli til Madrídar. Birtist í Fréttablaðinu Evrópusambandið Sjálfstæðisbarátta Katalóníu Spánn Mest lesið Ný staða uppi á Reykjanesskaga Innlent Kjósa þarf aftur til biskups Innlent Mikill eldur í Børsen í Kaupmannahöfn Erlent „Taktlaust og ósmekklegt“ Innlent Lægsti stuðullinn á Katrínu Innlent Undir áhrifum slævandi lyfja þegar bíllinn fór fram af bryggjunni Innlent Blöskrar að ekki hafi verið leitað til heimafólks Innlent Tvær vikur í að hægt verði að „klippa húsið niður“ Innlent Davíð Viðarsson þurfi að höfða mál til að skera úr um faðerni Innlent Brotið gegn rétti til frjálsra kosninga: Höfðu betur í talningamálinu Innlent Fleiri fréttir Segja stunguárásina vera hryðjuverk Trump dottaði þegar fyrsta sakamálið var tekið fyrir Svipað og að horfa upp á Notre Dame brenna „Ein mikilvægasta bygging Danmerkur“ Ísraelsher staðráðinn í að bregðast við árás Írana Mikill eldur í Børsen í Kaupmannahöfn Langstærsta svartholið í Vetrarbrautinni okkar til þessa Fjórða líkið fundið Átján mánaða fangelsi vegna voðaskotsins Fyrsta sakamálið gegn Bandaríkjaforseta fyrir dóm Önnur árás í Sydney Forsætisráðherra Singapúr segir af sér Virtur læknir sakaður um að hafa útilokað sjúklinga frá líffæragjöf Árásin virðist hafa beinst gegn konum Guterres hvetur til stillingar en Ísraelar vilja hefndir Umfang árásarinnar kom á óvart Munu láta Írana gjalda þegar þeim hentar Sjóræningjar fengu sjö hundruð milljónir í lausnargjald Hættu við eftir símtal frá Biden Skutu nánast alla dróna og eldflaugar niður Ísland fordæmir árásina Íslendingur flýr réttvísina í Kanada Neyðarfundur hjá öryggisráði Sameinuðu þjóðanna Smíða stærstu flugvél heims til að flytja vindmylluspaða Útkoman sem allir óttuðust Íranir gera umfangsmikla árás á Ísrael Johnson leitaði á náðir Trumps Landtökumenn ganga berserksgang á Vesturbakkanum Íranskir sérsveitarmenn tóku stjórn á flutningaskipi Sirskí segir stöðuna hafa versnað töluvert Sjá meira
Þrír af leiðtogum katalónsku sjálfstæðishreyfingarinnar náðu kjöri á Evrópuþingið í kosningum helgarinnar. Það er hins vegar alls óvíst hvort þeir geti tekið sæti á þinginu enda er staða þeirra nokkuð óvenjuleg. Framboð fyrrverandi héraðsforsetans Carles Puigdemont, JxCat, fékk um 28,52 prósent atkvæða í héraðinu og framboð fyrrverandi héraðsvaraforsetans Oriol Junqueras, ERC, fékk 21,19 prósent. Þeirra á milli var Sósíalistaflokkurinn, sem er sambandssinnaður, með 22,14 prósent. Í heildina fengu flokkar sjálfstæðissinna fleiri atkvæði en sambandssinna. Junqueras er í gæsluvarðhaldi á Spáni. Réttað er yfir honum og ellefu öðrum Katalónum um þessar mundir fyrir uppreisn, uppreisnaráróður og aðra meinta glæpi sem Katalónarnir eiga að hafa framið í kringum sjálfstæðisatkvæðagreiðsluna í héraðinu haustið 2017. Puigdemont er aftur á móti í sjálfskipaðri útlegð í Belgíu. Þangað flúði hann skömmu áður en hann var sakaður um sömu glæpi og evrópsk handtökuskipun var gefin út á hendur honum. Forsetinn fyrrverandi hefur hins vegar ekki enn verið framseldur til Spánar. Hið sama gildir um fyrrverandi heilbrigðismálaráðherra Katalóna, Antoni Comín, sem náði einnig kjöri. Það var óljóst þangað til í upphafi mánaðar hvort framboð sjálfstæðisleiðtoganna væri yfir höfuð löglegt. Dómstóll í Madríd úrskurðaði hins vegar svo. Lögfræðiálit sem Antonio Tajani, forseti Evrópuþingsins, fór fram á sýndi sömu niðurstöðu, að katalónskir útlagar og ákærðir mættu bjóða sig fram. Hins vegar er áhyggjuefni fyrir Katalónana að í þessu sama lögfræðiáliti sagði að til þess að taka sæti á Evrópuþinginu þyrftu þeir að ferðast til Madrídar og sverja spænsku stjórnarskránni hollustueið. Þetta gæti reynst erfitt fyrir Puigdemont þar sem hann yrði líklega handtekinn ef hann kemur til Spánar. Junqueras er vissulega staddur á Spáni nú þegar. Hann náði einnig kjöri í neðri deild spænska þingsins og fékk leyfi til að fara úr fangelsinu ásamt fjórum öðrum til að sverja sams konar eið. Að því loknu voru fimmmenningarnir hins vegar sendir aftur í fangelsi og sendir í leyfi frá þingstörfum. Það er sum sé ekki öruggt að Junqueras eða Puigdemont fái að taka sæti. Fyrir liggur að Puigdemont er ekki sammála lögfræðiálitinu. Hann hefur áður sagst öðlast þinghelgi um leið og hann nær kjöri og lítur svo á í þokkabót að ferðin til Spánar sé ekki nauðsynleg. Forsetinn fyrrverandi hefur ekki gefið til kynna með afgerandi hætti hvort hann ætli til Madrídar.
Birtist í Fréttablaðinu Evrópusambandið Sjálfstæðisbarátta Katalóníu Spánn Mest lesið Ný staða uppi á Reykjanesskaga Innlent Kjósa þarf aftur til biskups Innlent Mikill eldur í Børsen í Kaupmannahöfn Erlent „Taktlaust og ósmekklegt“ Innlent Lægsti stuðullinn á Katrínu Innlent Undir áhrifum slævandi lyfja þegar bíllinn fór fram af bryggjunni Innlent Blöskrar að ekki hafi verið leitað til heimafólks Innlent Tvær vikur í að hægt verði að „klippa húsið niður“ Innlent Davíð Viðarsson þurfi að höfða mál til að skera úr um faðerni Innlent Brotið gegn rétti til frjálsra kosninga: Höfðu betur í talningamálinu Innlent Fleiri fréttir Segja stunguárásina vera hryðjuverk Trump dottaði þegar fyrsta sakamálið var tekið fyrir Svipað og að horfa upp á Notre Dame brenna „Ein mikilvægasta bygging Danmerkur“ Ísraelsher staðráðinn í að bregðast við árás Írana Mikill eldur í Børsen í Kaupmannahöfn Langstærsta svartholið í Vetrarbrautinni okkar til þessa Fjórða líkið fundið Átján mánaða fangelsi vegna voðaskotsins Fyrsta sakamálið gegn Bandaríkjaforseta fyrir dóm Önnur árás í Sydney Forsætisráðherra Singapúr segir af sér Virtur læknir sakaður um að hafa útilokað sjúklinga frá líffæragjöf Árásin virðist hafa beinst gegn konum Guterres hvetur til stillingar en Ísraelar vilja hefndir Umfang árásarinnar kom á óvart Munu láta Írana gjalda þegar þeim hentar Sjóræningjar fengu sjö hundruð milljónir í lausnargjald Hættu við eftir símtal frá Biden Skutu nánast alla dróna og eldflaugar niður Ísland fordæmir árásina Íslendingur flýr réttvísina í Kanada Neyðarfundur hjá öryggisráði Sameinuðu þjóðanna Smíða stærstu flugvél heims til að flytja vindmylluspaða Útkoman sem allir óttuðust Íranir gera umfangsmikla árás á Ísrael Johnson leitaði á náðir Trumps Landtökumenn ganga berserksgang á Vesturbakkanum Íranskir sérsveitarmenn tóku stjórn á flutningaskipi Sirskí segir stöðuna hafa versnað töluvert Sjá meira