Enski boltinn

„Manchester City veit að Liverpool er komið til að vera“

Óskar Ófeigur Jónsson skrifar
Andy Robertson fagnar marki með Virgil van Dijk,. Sadio Mane og fleirum úr Liverpool liðinu.
Andy Robertson fagnar marki með Virgil van Dijk,. Sadio Mane og fleirum úr Liverpool liðinu. Getty/Clive Brunskill
Andy Robertson átti frábært tímabil með Liverpool í vinstri bakverðinum í ensku úrvalsdeildinni í fótbolta í vetur og hann er sannfærður um meiri velgengni hjá Liverpool liðinu á næstu árum.

Robertson er viss um að Liverpool liðið er komið til að vera í baráttunni um Englandsmeistaratitilinn.

Úrslitin réðust ekki fyrr en í lokaumferðinni og um tíma í henni sat Liverpool í efsta sætinu. Manchester City skoraði þá fjögur mörk á móti Brighton og tryggði sér Englandsmeistaratitilinn annað árið í röð.

Liverpool endaði með 97 stig sem er það mesta sem félag í bestu fimm deildum Evrópu hefur náð án þess að vinna titilinn.

„Við erum samheldinn og þéttur hópur af ungum mönnum,“ sagði hinn 25 ára gamli Andy Robertson við BBC. Já það er góður aldur flestra lykilmanna liðsins sem ættu að gera næstu ár spennandi.

„Vonandi verðum við hér í mörg ár og á næst ári ættum við að vera betra lið þegar kemur að þroska og reynslu,“ sagði Robertson.





„Manchester City menn vita að við erum komnir til að vera í titilbaráttunni. Við vitum samt að þeir verða þarna líka á næsta ári því þeir eru ótrúlegir,“ sagði Andy Robertson.

„Nú krossar maður bara fingurna og vonar að enginn fari frá okkur. Við verðum sterkari en aldrei fyrr þegar við förum inn í næsta tímabili. Hvort við náum að spila eins vel verður síðan bara að koma í ljós,“ sagði Robertson.

Tímabilið er þó ekki alveg búið hjá Liverpool liðinu sem mætir Tottenham í úrslitaleik Meistaradeildarinnar í Madrid 1. júní næstkomandi.

„Við eigum eftir að spila úrslitaleikinn í Meistaradeildinni. Við höfum núna gleymt öllu öðru. Ef við vinnum Meistaradeildina þá mun enginn vera að velta sér upp úr því að við enduðum í öðru sæti deildinni,“ sagði Robertson.

„Það hafa verið hægðir og lægðir á þessari leiktíð. Ég er líka viss um að við höfum lært mikið af þeim. Við töpuðum naumlega á móti heimsklassa liði. 97 stig myndu vinna á öllum öðrum árum nema einu. Við verðum bara að halda áfram að banka á dyrnar,“ sagði Robertson.

Andy Robertson var ekki fæddur þegar Liverpool vann síðast Englandsmeistaratitilinn fyrir 29 árum síðan. Það voru enn fjögur ár í það að þessi skemmtilegi bakvörður kæmi í heiminn.

Andy Robertson var aftur á móti ellefu ára gamall strákur í Glasgow þegar Liverpool vann síðast Meistaradeildina vorið 2005.




Fleiri fréttir

Sjá meira


×