Gylfi ekki skorað meira gegn neinu liði en Man. Utd.

Ingvi Þór Sæmundsson skrifar 21. apríl 2019 13:08

Gylfi Þór Sigurðsson kom Everton í 2-0 gegn Manchester United í leik sem nú stendur yfir á Goodison Park. Hafnfirðingurinn skoraði með föstu skoti fyrir utan vítateig.

Þetta var fimmta markið sem Gylfi skorar gegn United. Hann hefur ekki skorað meira gegn neinu liði á ferlinum. Gylfi hefur skorað í báðum deildarleikjunum gegn United á þessu tímabili og skoraði þrisvar gegn United þegar hann lék með Swansea City.

Íslenski landsliðsmaðurinn hefur einnig skorað fimm mörk gegn Chelsea og Southampton á ferlinum.

Gylfi hefur alls komið með beinum hætti að átta mörkum gegn United í ensku úrvalsdeildinni, fleirum en gegn nokkru öðru liði.

8 - Gylfi Sigurdsson has been directly involved in eight Premier League goals against Manchester United (five goals and three assists), more than he has versus any other club in the competition. Dagger. #EVEMUN pic.twitter.com/WL0hi3wm0B
— OptaJoe (@OptaJoe) April 21, 2019

Gylfi er búinn að skora 13 mörk í ensku úrvalsdeildinni á tímabilinu sem er persónulegt met hjá honum. Að auki hefur hann lagt upp fjögur mörk.

Enski boltinn

Tengdar fréttir

Í beinni: Everton - Man. Utd. | Gylfi búinn að skora

Gylfi Þór Sigurðsson og félagar taka á móti Manchester United sem þarf sigur í baráttunni um Meistaradeildarsæti.

17.4.2019 16:11

Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.