Innlent

Talið að kviknað hafi í út frá raftæki í Dalshrauni

Lovísa Arnardóttir skrifar
Frá vettvangi.
Frá vettvangi. Fréttablaðið/Ernir

Allt bendir til þess að eldurinn í Dals­hrauni hafi kviknað út frá raf­tæki sem var á efri hæðinni. Mann­virkja­stofnun á þó eftir að stað­festa niður­stöður tækni­deildar lög­reglunnar á elds­upp­tökum.

„Það á enn eftir að gefa út loka­skýrslu, í sam­vinnu við Mann­virkja­stofnun, um þessa niður­stöðu, en það bendir allt til þess að það hafi kviknað í út frá raf­tæki inni í einu her­berginu,“ segir Skúli Jóns­son, stöðvar­stjóri hjá lög­reglunni í Hafnar­firði, í sam­tali við Frétta­blaðið í.

Alls eru í­búar hússins 50 og var þeim að sögn Skúla út­vegað hús­næði, en ein­hverjir gátu þó sjálfir fundið sér sama­stað. Rauði krossinn að­stoðaði við að út­vega þeim sama­stað sem ekki gátu farið annað.

Hann segir að vett­vangurinn hafi verið af­hentur trygginga­fé­lagi síð­degis í gær eftir að tækni­deild lög­reglunnar lauk rann­sókn sinni um klukkan 14. Engar grun­semdir eru um að eitt­hvað sak­næmt hafi átt sér stað.

Lík­lega mun það taka nokkrar vikur að lag­færa húsið en tjónið er talið veru­legt. Þá var einnig mikið tjón í Húsasmiðjunni sem staðsett er fyrir neðan þar sem bruninn kom upp, en mikið vatn lak á milli hæða.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.