Lögreglan á Englandi rannsakar nú hvort Joey Barton, stjóri Fleetwood, hafi ráðist á Daniel Stendel, stjóra Barnsley, eftir leik liðanna í ensku C-deildinni í dag.



Fleetwood tapaði leiknum 4-2 á útivelli og skiptust stjórarnir á orðum í göngunum er þeir löbbuðu til búningsherbergja eftir leikinn.

BREAKING: Allegations have been made that Fleetwood manager Joey Barton has assaulted Barnsley manager Daniel Stendel after today's match.

— Sky Sports News (@SkySportsNews) April 13, 2019

Eitthvað mikið hefur gengið á en heimildir Sky Sports herma að Barton hafi ráðist á Daniel. Nú er lögreglan komin í málið og rannsakar nú meinta árás.



Barton hefur oftar en einu sinni og oftar en tvisvar komið sér í ýmis vandræði. Fleetwood er í ellefta sæti deildarinnar en Barnsley er númer tvö.



Í myndbandinu hér að neðan má sjá er Barton ætlaði að keyra burt frá leikvangi Barnsley en var stöðvaður af lögreglunni. Smella þarf á tístið til þess að sjá myndbandið.

Police stopped Joey Barton from leaving Oakwell as they investigate an alleged assault by the Fleetwood manager on Barnsley boss Daniel Stendel

— Sky Sports News (@SkySportsNews) April 13, 2019