Minnst 13 eru látnir eftir að kirkja í Suður-Afríku féll saman í upphafi páskamessu. Að minnsta kosti 29 manns var flýtt á sjúkrahús vegna meiðsla. Frá þessu er greint á vef BBC.



Yfirvöld á svæðinu hafa kennt miklum rigningum um slysið.



Til stóð að athöfnin stæði yfir alla helgina en bænastund var haldin í morgun í tjaldi fyrir utan kirkjuna til að biðja fyrir þeim sem létust og hlutu meiðsl í slysinu.