Sjáðu mörk Lukaku og Rashford og markasúpuna í Bournemouth

Romelu Lukaku og Marcus Rashford sáu til þess að Manchester United heldur áfram á sigurbraut undir stjórn Ole Gunnar Solskjær.

United sótti Newcastle heim í ensku úrvalsdeildinni í gær og fór með 2-0 sigur af hólmi. Solskjær hefur því unnið fyrstu fjóra leiki sína með United.

Fjörugasti leikur gærkvöldsins fór fram á Vitality vellinum í Bournemouth þar sem heimamenn gerðu 3-3 jafntefli við Watford en öll mörkin komu í fyrri hálfleik.

Burnley vann gríðarlega mikilvægan sigur í botnbaráttunni þegar liðið sótti Huddersfield heim en tvö rauð spjöld fóru á loft í leiknum. Jóhann Berg Guðmundsson spilaði allan leikinn fyrir Burnley.

Chelsea tapaði stigum gegn Southampton, en liðin gerðu markalaust jafntefli á Stamford Bridge, og því er munurinn á milli Chelsea í fjórða sætinu og Arsenal í því fimmta aðeins þrjú stig.

Öll mörkin og helstu atvik úr leikjum gærkvöldsins má sjá hér að neðan.

Newcastle - Manchester United 0-2 Bournemouth - Watford 3-3 Huddersfield - Burnley 1-2 Chelsea - Southampton 0-0 West Ham - Brighton 2-2 Wolves - Crystal Palace 0-2