Stoke sendi Jese aftur til Spánar

Stoke hefur gefið Jese Rodriguez leyfi til þess að snúa aftur til heimalandsins til þess að vera hjá veikum syni sínum og sleppa síðustu leikjum liðsins á tímabilinu.

Rodriguez kom til Stoke síðasta sumar á láni frá Frakklandsmeisturum Paris Saint-Germain. Hann byrjaði tímabilið mjög vel en hefur verið í erfiðleikum upp á síðkastið og hefur ekki spilað síðan í mars.

„Til þess að svara umræðunni í fjölmiðlum í kringum Jese Rodriguez viljum við staðfesta það að félagið hefur gefið honum leyfi til þess að fara í ólaunað leyfi það sem eftir er tímabilinu vegna persónulegra ástæðna og mun hann því ekki snúa aftur til Stoke það sem eftir er af lánssamningi hans,“ sagði í tilkynningu félagsins.

Stoke á tvo leiki eftir í ensku úrvalsdeildinni og er aðeins þremur stigum frá Swansea í 17. sætinu en með mun verri markatölu jafnframt sem Swansea á leik til góða.