Enginn fiskar fleiri aukaspyrnur en nýr liðsfélagi Gylfa

Enska úrvalsdeildarliðið Everton gekk frá kaupum á brasilíska sóknarmanninum Richarlison frá Watford í gær og varð hann þar með dýrasti leikmaður í sögu félagsins; met sem hann hirðir af íslenska landsliðsmanninum Gylfa Þór Sigurðssyni.

Richarlison á eitt tímabil að baki í ensku úrvalsdeildinni þar sem hann skoraði 5 mörk með Watford á síðustu leiktíð.

Hann var eini leikmaður Watford sem spilaði alla 38 leiki liðsins í deildinni og var einn fimmtán leikmanna í deildinni til þess að gera það. Hann var jafnframt sá leikmaður í ensku úrvalsdeildinni sem oftast var brotið á, eða alls 95 sinnum.

Eins og Íslendingum ætti að vera vel kunnugt um eru fáir betri spyrnumenn í boltanum í dag en Gylfi Þór Sigurðsson og vonandi fyrir okkar mann að Richarlison haldi uppteknum hætti við að fiska aukaspyrnur.

Everton hefur leik í ensku úrvalsdeildinni laugardaginn 11.ágúst næstkomandi þegar liðið heimsækir nýliða Wolverhampton Wanderers.

95 - Richarlison was fouled more often than any other player in the @premierleague last season. Targeted. pic.twitter.com/PpB0av93lN

— OptaJoe (@OptaJoe) July 25, 2018