Fótbolti

Fékk fingurkoss frá Pamelu eftir að hann skoraði framhjá Rúnari

Óskar Ófeigur Jónsson skrifar
Adil Ram, Pamela og Rúnar Alex.
Adil Ram, Pamela og Rúnar Alex. Vísir/Samsett/Getty
Adil Rami var á skotskónum í franska fótboltanum í gær þegar lið hans Marseille vann 2-0 sigur á Dijon. Viðbrögð kærustunnar vöktu talsverða athygli.

Marseille hafði ekki unnið leik í meira en mánuð og sigurinn var því afar mikilvægur fyrir Adil Rami og félaga.

Adil Rami var allt í öllu því hann lagði upp fyrra markið fyrir Lucas Ocampos rétt fyrir hálfleik og skoraði síðan sjálfur það síðara sex mínútum fyrir leikslok.





Íslenski landsliðsmarkvörðurinn Rúnar Alex Rúnarsson stóð einmitt í marki Dijon en tókst ekki að koma í veg fyrir þessi mörk.

Kærasta Adil Rami er mun frægari en þessi 32 ára gamli Frakki sem varð heimsmeistari með franska landsliðinu síðasta sumar.

Adil Rami er með Hollywood-stjörnunni Pamelu Anderson sem varð heimsfræg á sínum tíma eftir leik sinn í Baywatch þáttunum.

Pamela Anderson var mætt á leikinn og fylgdist kát með úr stúkunni. Hún sendi síðan sínum manni fingurkoss eftir að hann skoraði framhjá Rúnari Alex Rúnarssyni í lokin. The Sun sagði frá.







Hér fyrir neðan má sjá mark Adil Rami.







Fótbolti

Mest lesið


Fleiri fréttir

Sjá meira


×

Mest lesið