Liverpool gerði nýjan samning við strákinn og sendi hann síðan til Frakklands

Enski unglingalandsliðsmaðurinn Sheyi Ojo hefur skrifað undir nýjan samning við Liverpool en hann fær þó ekki að klæðast Liverpool búningnum í vetur.

Liverpool sendi þennan 21 árs gamla kantmann strax til Frakklands þar sem hann verður á láni hjá Stade de Reims.

Stade de Reims er í frönsku A-deildinni og sex stig í fyrstu þremur umferðunum hafa skilað liðinu upp í sjötta sæti. Liðið kom upp úr b-deildinni síðasta vor.

BREAKING: Sheyi Ojo has signed a new contract at @LFC and will join @StadeDeReims on loan until the end of the season. #SSNpic.twitter.com/nsHp7hCnvC

— Sky Sports News (@SkySportsNews) August 30, 2018

Sheyi Ojo spilaði átta deildarleiki með Liverpool 2015-16 tímabilið en þetta er í fjórða sinn sem Liverpool lánar hann.

Ojo hefur áður verið í láni hjá Wigan Athletic, Wolverhampton Wanderers og svo Fulham þar sem hann spilaði á síðustu leiktíð.

Des Reds au Rouge & Blanc ! L'international espoir anglais @sheyi_ojo arrive en prêt au #SDR en provenance de @LFC ! Virevoltant ailier, le champion du Monde U20 enrichit la force de frappe offensive des Stadistes ! #WelcomeSheyipic.twitter.com/4iVsZulZCU

— Stade de Reims (@StadeDeReims) August 30, 2018