Eiginkona og börn Liverpool-manns voru heima þegar innbrotsþjófarnir mættu: „Hræðilegt“

Hann er ekki eini leikmaður Liverpool sem hefur fengið óboðna gesti heim til sín þegar hann er að keppa en Dejan Lovren kennir óhuggulegu innbroti um slaka frammistöðu sína í októbermánuði.

Dejan Lovren hefur mikla trú á því að hann og Virgil van Dijk geti orðið framtíðar miðherjapar Liverpool-liðsins en það hefur mikið gengið á innan og utan vallar hjá Króatanum á þessu tímabili.  

Lovren var harðlega gagnrýndur fyrir frammistöðu sína framan af tímabili og ekki batnaði lífið hjá honum þegar þjófar brutustu inn á heimili hans þegar hann var að keppa Meistaradeildarleik í Maribor í Slóveníu.

Lovren var meðal annars hótað lífláti á samfélagsmiðlum eftir slaka frammistöðu hans á móti Tottenham. Liverpool tapaði leiknum 4-1 en hann var tekinn af velli eftir rúman hálftíma. Innbrotið fór fram 17. október en Tottenham leikurinn aðeins fimm dögum síðar.

He's overcome death threats, an "horrific" attempted burglary and struggles on the pitch.

Now Dejan Lovren believes he can become Virgil van Dijk's long-term partner in defence.

More: https://t.co/uMBL3AhF8Jpic.twitter.com/iL9X1Ajtt5

— BBC Sport (@BBCSport) March 9, 2018

„Fólk horfir á fótboltann og skoðar ekki hvað sé í gangi í lífinu utan hans,“ sagði Dejan Lovren í viðali við BBC.

„Ég tel að ég hafi komið sterkur til baka,“ sagði Lovren. Innbrotsþjófarnir vissu af leik Lovren út í Slóveníu og nýttu tækifærið.

Eiginkona Lovren og tvö börn þeirra voru hinsvegar heima þegar hinir óprútnu aðilar mættu skyndilega inn á stofugólfið. Þetta var mikið áfall fyrir fjölskylduna og sjokkið sást á Lovren í næsta leik.

„Þetta var hræðilegt,“ sagði Lovren og telur að þetta atvik hafi haft mikil áhrif á frammistöðu hans í kjölfarið. „Það var ekki auðvelt að komast í gegnum þetta því við erum manneskjur og allir glíma við vandamál,“ sagði Lovren.

„Sumt fólk skilur þetta en annað ekki. Í þessari slæmu aðstöðu þá fékk ég stuðning frá virkilega góðu fólki,“ sagði Lovren.

Lovren hefur unnið sig til baka og byrjað í miðherjastöðunni með Virgil van Dijk í síðustu þremur leikjum. Liverpool hefur aðeins fengið á sig tvö mörk í þeim (á móti Tottenham) og haldið tvisvar hreinu.

„Mér fannst við standa okkur vel saman í síðustu leikjum sem við höfum spilað saman. Við skiljum hvorn annan vel og vonandi getum við haldið þessu áfram í framtíðinni,“ sagði Lovren.

Liverpool mætir Manchester United á Old Trafford í hádeginu á morgun.