Upphitun: Manchester City og Arsenal mætast á Wembley

Manchester City og Arsenal mætast í úrslitaleik deildarbikarsins á Wembley í dag klukkan 16:30 en þetta verður fyrri leikurinn af tveimur sem að liðin spila við hvort annað í vikunni.

Manchester City tryggði sér farseðilinn á Wembley með sigri á Herði Björvini og félögum í Bristol sem veittu þeim þó mikla mótstöðu.

Arsenal og Chelsea mættust í hinni undanúrslitaviðureigninni þar sem fyrri leik liðanna lauka með 0-0 jafntefli á Stamford Brigde. Í seinni leiknum var Arsenal mikið sterkari aðilinn og voru það Granit Xhaka sem skoraði markið sem sendi Arsenal í úrslitaleikinn.

Pep Guardiola og félagar töpuðu óvænt fyrir Wigan í 16-liða úrslitum FA-bikarsins í vikunni og með því því tapi varð úti draumur stuðningsmanna liðsins að vinna svokölluðu þrennuna sem Manchester United tókst að vinna árið 1999. Það er því spurning hvort að stuðningsmenn City munu sætta sig við sigur í deildarbikarnum.

Arsene Wenger hefur verið mikið milli tannanna á fólki síðustu árin og mikið hefur verið rætt um það hvort að tími hans hjá félaginu sé uppi. Hann er þó ennþá stjóri Arsenal og er að fara að stýra liðinu í enn einum úrslitaleiknum.

„Þegar þú hefur lagt svona mikið á þig eins og við höfum gert og þegar þú hefur komist eins langt og við erum komnir í keppni þá viltu virkilega ekki tapa í úrslitunum,“ sagði Wenger.

„Þú vilt alltaf vinna alla úrslitaleiki. Við verðum þó að vera varkárir því við vitum hversu góðir Manchester City eru, þeir hafa verið bestir í deildinni í vetur og því förum við varkárir í þennan leik.“

„Við verðum að sýna hugrekki. Það er mín skoðun að úrslitaleikir ráðast útfrá því hvort liðið sýnir meira hugrekki, og þess vegna verðum við að vera hugrakkir á Wembley,“ sagði Guardiola.

Arsene Wenger hefur aldrei unnið deildarbikarinn með Arsenal en lið hans tapaði gegn Birmingham í úrslitunum árið 2011 en það er spurning hvað gerist að þessu sinni.