Firmino sakaður um kynþáttafordóma

Enska knattspyrnusambandið hefur hafið rannsókn á því hvort Roberto Firmino, sóknarmaður Liverpool, hafi verið með kynþáttafordóma í garð Mason Holgate, 21 árs varnarmanns Everton, í bikarleik liðanna í gær.

Leikurinn endaði með 2-1 sigri heimamanna í Liverpool. Gylfi Þór Sigurðsson skoraði mark Everton með laglegu skoti.

Knattspyrnusambandið tilkynnti þetta fyrr í dag. Jafnframt tiltók sambandið að rannsóknin fari fram vegna ásakana Holgate í garð Firmino, sem hann gerði dómara leiksins, Bobby Madley, í ljós eftir leik.

FA statement re: Holgate / Firmino: The FA can confirm that referee Bobby Madley was made aware of an allegation during the Liverpool versus Everton game at Anfield last night and has subsequently reported this to The FA, which will now begin making enquiries into the matter.

— Mark Ogden (@MarkOgden_) January 6, 2018

Upp kom á milli Firmino og Holgate í síðari hálfleik leiksins þegar að Holgate ýtti Firmino yfir auglýsingaskilti með þeim afleiðingum að Firmino endaði upp í stúku.

Firmino brast ókvæða við og las Holgate pistilinn á móðurmáli sínu, portúgölsku.

Ekki er enn vitað hvað Firmino sagði við Holgate en hafa hinir ýmsu sérfræðingar reynt að lesa það af vörum Firmino, án teljandi árangurs.

Luis Suarez, núverandi leikmaður Barcelona, var dæmdur í 8 leikja bann og til greiðslu 5 milljón króna sektar vegna atviks í leik Liverpool og Manchester United, árið 2011, þar sem hann á að hafa kallað Patrice Evra „negro.