Vísir gefur áritaða West Ham treyju

Íþróttavefur Vísis ætlar að gefa heppnum lesanda keppnistreyju West Ham en liðið spilar á morgun gegn Manchester City á Laugardalsvelli.

Leikmenn West Ham æfðu á Laugardalsvellinum í dag og árituðu treyjuna eftir hana.

Á myndinni má sjá Mark Noble, fyrirliða West Ham, með treyjuna góðu en til að taka þátt þarf einungis að líka við þessa frétt á Facebook og skilja eftir ummæli í athugasemdakerfi Facebook hér fyrir neðan.

Leikur Manchester City og West Ham á morgun verður í beinni útsendingu á Stöð 2 Sport. Útsendingin hefst klukkan 13.40.

Uppfært: Sigurvegari er fundinn en hann er Henning Árni Jóhannsson. Til hamingju!