Salah valinn bestur í Afríku

Mohamed Salah, leikmaður Liverpool og egypska landsliðsins, var valinn leikmaður ársins í Afríku hjá BBC.

Salah hafði betur í baráttu við Pierre-Emerick Aubameyang, Victor Moses, Naby Keïta og Sadio Mané. Sá síðastnefndi er samherji Salahs hjá Liverpool og Keïta gengur í raðir liðsins næsta sumar.

Salah hefur byrjað frábærlega með Liverpool og er markahæstur í ensku úrvalsdeildinni með 13 mörk. Fyrri hluta árs spilaði Egyptinn vel með Roma í ítölsku úrvalsdeildinni.

Salah átti einnig gott ár með egypska landsliðinu sem lenti í 2. sæti í Afríkukeppninni og tryggði sér sæti á HM í fyrsta sinn síðan 1990. Hann skoraði markið sem tryggði Egyptum farseðilinn til Rússlands.

Very proud to have won this prestigious award for best African player, and joining the ranks of many great players who won it before me. pic.twitter.com/jgqrCHcLWl

— Mohamed Salah (@22mosalah) December 11, 2017