Byrjun Man City sú besta frá stofnun ensku úrvalsdeildarinnar

Manchester City trónir á toppi ensku úrvalsdeildarinnar eftir tíu leiki og á enn eftir að tapa leik. Ekkert lið hefur byrjað keppnistímabil betur frá stofnun ensku úrvalsdeildarinnar árið 1992.

Mörk frá Leroy Sane, Fernandinho og Raheem Sterling tryggðu Man City 2-3 útisigur á West Bromwich Albion og hefur City nú unnið níu af fyrstu tíu leikjum sínum.

Bláliðar eru með langbestu markatöluna enda hafa þeir skorað 35 mörk í leikjunum tíu og aðeins fengið á sig sex.

28 - @ManCity have made the best ever start to a @premierleague season after 10 games, collecting 28 points (W9 D1) with a GD of +29. Slick. pic.twitter.com/L0am2wglzo

— OptaJoe (@OptaJoe) October 28, 2017