Morata með þrennu í sigri Chelsea

Englandsmeistarar Chelsea unnu sannfærandi 0-4 sigur á Stoke á bet365 leikvanginum í dag.

Alvaro Morata skoraði þrennu fyrir Chelsea og skoraði Pedro eitt mark.

Morata byrjaði leikinn af krafti fyrir Chelsea og skoraði strax á annari mínútu.

Fyrirliði Stoke, Darren Fletcher, gaf Chelsea annað markið með mistökum í vörninni sem Pedro nýtti sér.

Einstaklingsframlag Morata skilaði þriðja markinu í miðjum seinni hálfleik og hann fullkomnaði svo þrennuna á 82. mínútu.

Chelsea er þremur stigum á eftir toppliðunum frá Manchester eftir sex umferðir.