Skógareldar á suðurhluta Spánar neyða 1.500 manns til að yfirgefa svæðið

Miklir skógareldar á suðurhluta Spánar hafa ollið því að um 1.500 manns á svæðinu hafa þurft að yfirgefa heimili sín, tjaldstæði á svæðinu og hótel.  Um 750 manns hafa verið fluttir í öruggt skjól en aðrir hafa fengið leyfi til að halda aftur til síns heima. Guardian greinir frá.

Svæðið er búið að vera undir smásjá stjórnvalda vegna mikilli hættu á skógareldum. Í síðustu viku létust 64 einstaklingar vegna skógarelda í Portúgals.

Logarnir sáust fyrst á laugardagskvöldið í Moguer héraðinu hjá Huelva í Andalúsíu. Hætta var talin vera mikil. José Fiscal, umhverfisráðherra Andalúsíu, segir að líklega hafi eldurinn kviknað út frá íkveikju.

Erfiðlega gekk að hafa stjórn á eldinum þar sem vindur var mikill. Yfirvöld segja erfitt að segja til um hvenær verði hægt að aflýsa hættuástandinu. Ellefu flugvélar, tíu þyrlur og tólf bílar eru nýttir til að berjast gegn eldinum .Eldurinn nálgast þjóðgarðinn Doñana, sem hýsir stóran hluta af villtu dýralífi. Sum hver dýrin eru í útrýmingarhættu.

Skógareldarnir á Spáni eru flestir afleiðing mikillar hitabylgju. Fleiri svæði eru talin geta átt von á skógareldum.