Búið að kæra Zlatan og Mings

Zlatan Ibrahimovic, leikmaður Man. Utd, og Tyrone Mings, leikmaður Bournemouth, gætu átt yfir höfði sér leikbann.

Enska knattspyrnusambandið er búið að kæra þá fyrir ofbeldisfulla hegðun í leik liðanna um síðustu helgi.

Zlatan er kærður fyrir að setja olnbogann í Mings en hann var þá líklega að hefna sín eftir að Mings hafði traðkað á andliti hans fyrr í leiknum.

Þeir gætu báðir fengið þriggja leikja bann fyrir sína hegðun.

Zlatan myndi þá missa af bikarleiknum gegn Chelsea og deildarleikjum gegn Middlesbrough og WBA.