Chelsea kallar varnarmann til baka úr láni

Chelsea hefur kallað varnarmanninn Nathan Aké til baka úr láni frá Bournemouth.

Aké, sem er 21 árs Hollendingur, var lánaður til Bournemouth í sumar. Hann lék 10 leiki með liðinu í ensku úrvalsdeildinni og skoraði þrjú mörk.

Aké kom ungur til Chelsea frá Feyenoord í Hollandi. Hann hefur alls leikið 12 leiki fyrir Chelsea.

Aké var lánaður til Reading tímabilið 2014-15 og á síðasta tímabili lék hann sem lánsmaður með Watford í ensku úrvalsdeildinni.

Aké á að baki fjölda leikja fyrir yngri landslið Hollands en hefur ekki enn leikið A-landsleik.

Hollendingurinn lék ekki með Bournemouth í tapinu fyrir Millwall í ensku bikarkeppninni í gær. Hann er því löglegur með Chelsea í bikarnum.

Chelsea er með fimm stiga forskot á toppi ensku úrvalsdeildarinnar. Næsti leikur liðsins er gegn Leicester City á King Power vellinum á laugardaginn.