Messan: Þegar Hjörvar greip bolta á White Hart Lane

Vítaspyrna Crystal Palace gegn West Ham minnti Gumma Ben á takta sem Hjörvar Hafliðason sýndi eitt sinn er hann var í stúkunni á leik í Englandi.

Skot Benteke fór upp í stúku og þar náði áhorfandi að grípa boltann og gerði það bara nokkuð vel. Hjörvar greip líka einu sinni boltann á White Hart Lane.

„Þetta var á 90. mínútu í leik Spurs og Arsenal. Manstu hvað þú varst glaður? Þú varst of lengi glaður. Stuðningsmennirnir voru ekki ánægðir með þig,“ sagði Gummi stríðinn.

„Þetta var bara eins og í sögu. Boltinn fór upp í loftið og það var eins og æðri máttarvöld vildu að boltinn kæmi til mín.“

Sjá má þessa skemmtilegu upprifjun félaganna hér að ofan.