Sané staddur í Manchester

Allt virðist benda til þess að þýska ungstirnið Leroy Sané sé á förum til Manchester City frá Schalke 04.

Þýska félagið greindi fra því á Twitter í dag að Sané væri staddur í Manchester og hefði ekki farið með Schalke í æfingaferð til Austurríkis.

Talið er að City muni borga Schalke um 35 milljónir punda fyrir Sané sem þykir einn efnilegasti leikmaður Evrópu.

Hinn tvítugi Sané skoraði átta mörk í 33 deildarleikjum með Schalke á síðasta tímabili.

Sané var valinn í þýska landsliðið fyrir EM í Frakkland þar sem hann kom við sögu í einum leik.

Leroy #Sané is currently in Manchester and will not be travelling with #Schalke to the training camp. #s04 pic.twitter.com/Jz0Mrlv5vO

— FC Schalke 04 (@s04_en) August 1, 2016