Moyes nær í gamlan lærisvein

Sunderland hefur samið við nígeríska framherjann Victor Anichebe um að leika með liðinu út tímabilið.

Anichebe hafði verið án félags síðan West Brom lét hann fara í lok maí. En nú er hann búinn að finna sér nýjan samanstað.

David Moyes, knattspyrnustjóri Sunderland, þekkir vel til Anichebe en hann þjálfaði hann hjá Everton á sínum tíma.

Anichebe, sem er 28 ára, hefur alls leikið 186 leiki í ensku úrvalsdeildinni og skorað 24 mörk.

Hann gæti leikið sinn fyrsta leik fyrir Sunderland þegar liðið tekur á móti Everton mánudaginn 12. september.