Mourinho: Leikmenn eiga erfitt með pressuna

Jose Mourinho, stjóri Manchester United, segir að sumir leikmenn eigi mögulega erfitt með að meðhöndla þá pressu og ábyrgð sem fylgi því að spila með liðinu.

Manchester United tapaði óvænt fyrir Watford, 3-1, í ensku úrvalsdeildinni í gær en liðið hefur nú tapað þremur leikjum í röð í öllum keppnum.

„Við byrjuðum tímabilið mjög vel. En hélt ég að liðið væri þar með tilbúið, fullkomið og ósigrandi? Alls ekki,“ sagði Mourinho eftir leikinn í gær.

„Ég var algjörlega meðvitaður um að við vorum ekki fullkomnir. Það eru margir leikmenn sem geta enn bætt sig mikið og gera mistök.“

Mourinho hefur ekki tapað þremur leikjum í röð síðan í febrúar 2002, er hann var stjóri Porto.