Markalaust hjá Leicester og Arsenal

Leicester og Arsenal gerðu markalaust jafntefli í sjöunda og síðasta leik dagsins í ensku úrvalsdeildinni í knattspyrnu.

Arsenal var ívið betri aðilinn í leiknum og var aðeins meira með boltann, en hvorugu liðinu tókst að skapa sér afgerandi marktækifæri.

Leikurinn var ekki mikið fyrir augað og hvorugu liðinu tókst að koma boltanum yfir línuna áður en yfir lauk, en Leicester átti að fá vítaspyrnu þegar lítið lifði leiks. Mark Clattenburg dæmdi ekkert og lokatölur 0-0.

Bæði lið eru því með eitt stig eftir fyrstu tvo leikina, en Arsenal mætir Watford næst á meðan meistararnir fá Gylfa Sigurðsson og félaga í heimsókn.