Mourinho ánægður með stuðninginn sem Fellaini fékk

Jose Mourinho, knattspyrnustjóri Manchester United, er ánægður með stuðninginn sem Marouane Fellaini fékk frá stuðningsmönnum liðsins í gær. United vann góðan sigur á WBA og fór leikurinn 2-0.

Fellani hefur verið gagnrýndur mikið á tímabilinu og þykir hann ekki hafa staðið sig vel með liðinu.

Fellani kom inn af varamannabekknum á 83. Mínútu í leiknum í gær og fékk hann góðar viðtökur frá stuðningsmönnunum. „Stuðningsmennirnir voru frábærir,“ sagði Mourinho í samtali við Sky Sports eftir leikinn.

„Í búningsklefanum er hann mjög mikilvægur hópnum og það er því mikilvægt að honum líði vel í hópnum og að hann finni að aðdáendur félagsins séu til staðar fyrir hann.“