Watford skellti Manchester United

Watford lagði Manchester United 3-1 í fimmtu umferð ensku úrvalsdeildarinnar í fótbolta í dag.

Etienne Capoue kom Watford yfir á 34. mínútu og var Watford 1-0 yfir í hálfleik.

Marcus Rashford jafnaði metin á 62. mínútu en Watford komst aftur yfir sjö mínútum fyrir leikslok þegar varamaðurinn Camilo Zuniga skoraði með sinni fyrstu snertingu. Það var svo Troy Deeney sem gulltryggði sigur Watford úr vítaspyrnu á fimmtu mínútu uppbótartíma.

Þetta er annað tapaði í röð hjá Manchester United í deildinni og það þriðja í öllum keppnum.

Manchester United er í 6. sæti með 9 stig en Watford lyfti sér upp í 9. sætið með 7 stig.