Gascoigne sakfelldur fyrir kynþáttaníð

Paul Gasgoicne, einn þekktasti knattpsyrnumaður sem England hefur átt, var í dag sakfelldur fyrir kynþáttaníð vegna brandara sem hann sagði á samkomu.

Atvikið átti sér stað á sýningu sem nefndist „An Evening with Gazza“ í Wolverhampton í lok nóvember í fyrra.

Beindi hann orðum sínum að þeldökkum öryggisverði sem var við störf í salnum.

Gasgoicne játaði sök í málinu en réttarhöldin hófust í dag. Hann hefur undanfarin ár komist í fréttir vegna baráttu sinnar við Bakkus.

Hann lék á sínum tíma með Newcastle, Tottenham og Rangers.