Wilshere á leiðinni til Bournemouth

Flest bendir til þess að Jack Wilshere sé á leiðinni til Bournemouth á láni frá Arsenal.

Samkvæmt heimildum Sky Sports er Wilshere nú á leiðinni til Bournemouth til að ganga frá félagaskiptunum.

Wilshere var orðaður við fjölda liða eftir að greint var frá því að Arsenal væri tilbúið að lána hann.

Miðjumaðurinn snjalli var m.a. orðaður við Roma, AC Milan, Juventus og Crystal Palace en Bournemouth varð á endanum fyrir valinu.

Wilshere, sem hefur glímt við erfið meiðsli undanfarin ár, hefur leikið með Arsenal allan sinn feril ef frá eru taldir nokkrir mánuðir 2010 þegar hann lék sem lánsmaður með Bolton Wanderers.