Zlatan: Rooney er fullkominn samherji

Zlatan Ibrahimovic er mjög spenntur fyrir því að spila með Wayne Rooney í vetur.

Svíinn hefur trú á því að þeir geti náð frábærlega saman og séð til þess að Man. Utd skori haug af mörkum í vetur.

Zlatan mun spila sinn fyrsta leik á Old Trafford í kvöld er góðgerðarleikur Wayne Rooney fer fram.

„Allir góðir leikmenn eiga að geta unnið með öðrum góðum leikmönnum. Það á ekki að vera neitt mál,“ sagði Zlatan.

„Ég sagði fyrir mörgum árum að minn fullkomni samherji í framlínunni væri Wayne Rooney. Hann vinnur ekki bara fyrir sjálfan sig heldur fyrir framherjann og liðið. Ég er ótrúlega glaður með að fá að spila með honum.“